ᯂᯬᯒᯘ᯲ ᯅᯰᯘᯬ ᯅᯖ᯦᯲
ᯂᯬᯒᯘ᯲ ᯔ ᯐᯞ ᯎᯅᯩ ᯑᯪ ᯂᯪᯖ ᯘᯞᯮᯂᯮᯖ᯲ᯉ ᯂᯞᯄ᯦᯲ ᯅᯖᯄ᯦᯲ ᯔᯉᯰ ᯑᯪ ᯑᯪᯀ ᯇᯩ ᯔᯒᯪᯝᯉᯉ᯲.
ᯂᯔᯮ ᯉ ᯑᯪ ᯅᯬᯉᯇᯘᯬᯎᯪᯖ᯲ ᯔᯉᯰ ᯘᯬᯝᯬᯉ᯲ ᯤ ᯔ ᯉᯰ ᯂᯔᯮ ᯉ ᯑᯪ ᯖᯉᯬ ᯇᯒ᯲ᯘᯩᯒᯂᯉ᯲ ᯑᯪ ᯑᯩᯘ ᯉ ᯥᯀᯞᯮ
Horas ma jala gabe di hita saluhutna halak Batak, manang di dia pe maringanan.
Hamu na di bonapasogit, nang songon i ma nang hamu na di tano parserahan, di desa na ualu.
ᯖᯩᯉ᯲ᯖᯰ ᯄ᯦ᯔᯪ
ᯘᯪᯖᯮᯘ᯲ ᯀᯬᯉ᯲ ᯑᯪᯇᯖᯮᯇ ᯂᯔᯪ ᯘᯬᯝᯬᯉ᯲ ᯑᯞᯉ᯲ ᯇᯒᯒᯖ᯲ᯂᯬᯉ᯲ ᯥᯎᯒᯪ ᯉᯪ ᯂᯞᯄ᯦᯲ ᯅᯖᯄ᯦᯲ ᯉᯀᯮᯰ ᯞᯩᯞᯩᯰ ᯂᯮᯒᯰ ᯑᯪᯂᯒᯪᯰᯄ᯦ᯬᯖ᯲ᯂᯬᯉ᯲ ᯀᯰᯄ᯦ ᯉᯇᯬᯘᯬ ᯅᯮᯞᯮᯰ ᯉᯪ ᯂᯞᯄ᯦᯲ ᯅᯖᯄ᯦᯲
ᯀᯰᯎᯪᯀᯖ᯲ ᯔ ᯔᯒ᯲ᯂᯪᯖᯩ ᯎᯮᯒᯪᯖᯉ᯲ ᯑᯪ ᯇᯬᯎᯮ ᯉᯪ ᯀᯞᯔᯉ᯲ ᯀᯬᯉ᯲ ᯎᯅ ᯎᯬᯑᯰ ᯉ ᯖᯒ᯲ᯅᯮᯰᯄ᯦ ᯒᯬᯂᯉ ᯔᯰᯂᯒᯪᯰᯄ᯦ᯬᯖ᯲ᯂᯬᯉ᯲ ᯥᯎᯒᯪ ᯉ ᯀᯒ᯲ᯎ ᯀᯬᯉ᯲, ᯤ ᯔ ᯘᯮᯒᯖ᯲ ᯅᯖᯄ᯦᯲
Situs on dipatupa hami songon dalan pararathon ugari ni hita Batak, naung leleng hurang diharingkothon angka naposo bulung ni halak Batak.
Anggiat ma marhite guritan di pogu ni alaman on, gabe adong na tarbungka rohana mangharingkothon ugari na arga on, i ma surat Batak.
ᯇᯩᯞᯖᯪᯂᯉ᯲
ᯑᯪᯇᯖᯮᯇ ᯂᯔᯪ ᯑᯬ ᯖᯮᯖᯬᯒᯪᯀᯞ᯲ ᯘᯮᯒᯖ᯲ ᯅᯖᯄ᯦᯲ ᯑᯪ ᯛᯮᯖᯮᯅ᯲. ᯀᯘ ᯀᯰᯎᯪᯀᯖ᯲ ᯅᯬᯞᯘ᯲ ᯤᯑᯀᯬᯉ᯲ᯔᯮᯉ ᯘᯬᯝᯬᯉ᯲ ᯑᯪᯀ ᯇᯰᯎᯮᯒᯪᯖ᯲ ᯉᯪ ᯘᯮᯒᯖ᯲ ᯅᯖᯄ᯦᯲ ᯤ.
ᯅᯬᯂ ᯇᯖᯮᯇᯂᯬᯉ᯲ ᯞᯩᯖᯩᯒ᯲ ᯉᯪ ᯘᯮᯒᯖ᯲ ᯅᯖᯄ᯦᯲ ᯤ. ᯀᯘ ᯖᯮᯰ ᯅᯬᯞᯘ᯲ ᯎᯮᯒᯪᯖ᯲ᯂᯬᯉᯬᯉ᯲ᯔᯮᯉ ᯑᯪ ᯘᯬᯘᯪᯀᯞ᯲ ᯔᯩᯑᯪᯀ ᯇᯰᯄ᯦ᯩ ᯂᯇᯩᯔᯮᯉ ᯔᯉᯰ ᯞᯩᯇ᯲ᯖᯬᯇ᯲ ᯑᯬᯂᯬᯖ᯲ ᯄ᯦ᯬᯔ᯲ᯇᯮᯖᯩᯒ᯲ᯔᯮᯉ ᯤ.
Dipatupa hami do tutorial surat Batak di youtube, asa anggiat bolas idaonmuna songon dia panggurit ni surat Batak i. Boha patupahon leter ni surat Batak i, asa tung bolas gurithononmuna di sosial media, pangke hapemuna manang leptop dohot komputermuna i.
ᯄ᯦ᯪᯘᯂ᯲ ᯘᯮᯄ᯦᯲ᯘᯩᯘ᯲
ᯀᯬᯉ᯲ ᯔ ᯘᯪᯖᯮᯘ᯲ ᯇᯒ᯲ᯐᯬᯞᯬ ᯉ ᯅᯬᯞᯘ᯲ ᯖᯒ᯲ᯇᯖᯮᯇ ᯂᯔᯪ ᯉ ᯔᯒ᯲ᯘᯮᯒᯖ᯲ ᯅᯖᯄ᯦᯲. ᯔᯔᯰᯄ᯦ᯩ ᯞᯩᯖᯩᯒ᯲ ᯉ ᯉᯪ ᯑᯩᯘᯀᯪᯉ᯲ ᯉᯪ ᯀᯔᯉ᯲ᯖ ᯖᯬᯎᯒ᯲ᯔ ᯉᯤᯅᯂᯬ.
ᯑᯪᯅᯂᯩᯉ᯲ ᯔᯝᯪᯂᯮᯖ᯲ᯂᯬᯉ᯲ ᯞᯩᯖᯩᯒ᯲ ᯞᯖᯪᯉ᯲, ᯀᯘ ᯖᯮᯰ ᯅᯬᯞᯘ᯲ ᯘᯮᯑᯩ ᯞᯩᯖᯩᯒ᯲ ᯞᯖᯪᯉ᯲ ᯤ ᯅᯬᯤ ᯑᯪᯎᯮᯒᯪᯖ᯲ᯂᯬᯉ᯲ ᯇᯰᯄ᯦ᯩ ᯘᯮᯒᯖ᯲ ᯅᯖᯄ᯦᯲.
ᯑᯮᯰ ᯅᯬᯞᯘ᯲ ᯂᯮᯎᯮᯒᯪᯖ᯲ᯂᯬᯉ᯲ ᯂᯔᯪ ᯞᯩᯖᯩᯒ᯲ ᯖᯬᯎᯒ᯲ᯔ ᯑᯪ ᯘᯪᯖᯮᯘ᯲ ᯀᯬᯉ᯲, ᯑᯮᯰ ᯤᯇᯩ ᯀᯘ ᯖᯒ᯲ᯇᯪᯰᯄ᯦ᯪᯒ᯲ ᯂᯔᯪ ᯇᯖᯮᯇᯂᯬᯉ᯲ ᯎᯮᯒᯪᯖᯉ᯲ ᯀᯬᯉ᯲ ᯇᯰᯄ᯦ᯩ ᯞᯩᯖᯩᯒ᯲ ᯖᯬᯅ ᯉᯀᯮᯰ ᯑᯪᯇᯑᯩᯰᯎᯉ᯲ ᯂᯔᯪ ᯘᯬᯝᯬᯉ᯲ ᯇᯝᯪᯑᯬᯀᯉ᯲ ᯉᯪ ᯄ᯦ᯬᯰᯒᯩᯘ᯲ ᯅᯖᯄ᯦᯲ ᯖᯬᯅ ᯉ ᯇᯒ᯲ᯐᯬᯞᯬ.
On ma situs na parjolo na bolas tarpatupa hami, na marsurat Batak. Mamangke leter na ni desain ni amanta Togarma Naibaho.
Dibahen mangihuthon leter Latin, asa tung bolas sude leter Latin i boi digurithon pangke surat Batak.
Dung bolas hugurithon hami, leter Togarma di situs on, dung i pe asa tarpingkir hami, patupahon guritan on, pangke leter Toba naung dipadenggan hami songon pangidoan ni kongres Batak Toba na parjolo.
ᯀᯄ᯦᯲ᯘᯒ ᯅᯖᯄ᯦᯲
ᯘᯑ ᯥᯎᯒᯪ ᯉ ᯀᯒ᯲ᯎ ᯑᯬ ᯘᯮᯒᯖ᯲ ᯅᯖᯄ᯦᯲ ᯀᯬᯉ᯲. ᯀᯤ ᯑᯰ ᯘᯮᯑᯩ ᯅᯰᯘᯬ ᯔᯉᯰ ᯇᯮᯀᯄ᯦᯲ ᯘᯮᯄ᯦ᯮ ᯅᯰᯘᯬ ᯀᯑᯬᯰ ᯀᯄ᯦᯲ᯘᯒᯉ.
ᯐᯑᯪ ᯅᯬᯤ ᯔ ᯖᯂᯔᯥᯞᯪᯀᯖᯩᯂᯬᯉ᯲ ᯖᯮ ᯖᯮᯂᯉ᯲ ᯤ ᯀᯞ ᯀᯑᯬᯰ ᯑᯬ ᯘᯮᯒᯖ᯲ ᯅᯖᯄ᯦᯲ ᯎᯅᯩ ᯘᯑ ᯥᯎᯒᯪ ᯉ ᯀᯒ᯲ᯎ ᯑᯪ ᯂᯪᯖ.
ᯖᯤᯝᯬᯖ᯲ ᯔ ᯤ ᯐᯞ ᯖᯂᯬᯅᯘᯪ ᯀᯘ ᯘᯮᯑᯩ ᯅᯰᯘᯬ ᯅᯬᯤ ᯀᯮᯔ᯲ᯅᯬᯖᯬᯘ
Sada ugari na arga do surat Batak on. Ai dang sude bangso manang puak suku bangso adong aksarana.
Jadi boi ma tahamauliatehon tu Tuhan i, ala adong do surat Batak gabe sada ugari na arga di hita.
Taingot ma i jala tahobasi, asa sude bangso boi umbotosa.