ᯀᯉ᯲ᯑᯬᯒᯰ ᯘᯬ ᯔᯒ᯲ᯘᯪᯀᯐᯒ᯲ ᯂᯪᯖ ᯔᯰᯎᯮᯒᯖᯪ᯲ ᯘᯮᯒᯖ᯲ ᯅᯖᯄ᯦᯲ ᯐᯬᯞᯬ ᯖᯖᯉ᯲ᯑ ᯔ ᯐᯬᯞᯬ ᯘᯬᯝᯉᯬ᯲ ᯑᯬᯀ ᯑᯬ ᯒᯮᯇ ᯉᯪ ᯘᯮᯒᯖ᯲ ᯅᯖᯄ᯦᯲ ᯤ ᯘᯪᯀᯉ᯲ ᯔᯮᯞᯉ
Andorang so marsiajar hita manggurit surat Batak, jolo tatanda ma jolo songon dia do rupa ni surat Batak i sian mulana
ᯘᯪᯀᯉ᯲ ᯇᯘᯮ᯲ᯖᯂ ᯞᯄ᯦᯲ᯞᯄ᯦᯲ ᯑᯬ ᯉᯪᯀᯉ᯲ ᯖᯉ᯲ᯑᯀᯉᯬ᯲ ᯘᯮᯒᯖ᯲ ᯅᯖᯄ᯦᯲. ᯀᯞᯤ ᯑᯪ ᯂᯪᯖ ᯉ ᯔᯒᯮᯔᯒᯮ᯲ ᯑᯪ ᯖᯬᯒᯮ ᯉᯪ 50 ᯖᯀᯉᯬ᯲ ᯉᯮᯝ ᯐᯒᯰ ᯂᯪᯖ ᯉᯂᯩᯀ ᯔᯒ᯲ᯉᯪᯑ ᯇᯘᯮ᯲ᯖᯂ ᯞᯄ᯦᯲ᯞᯄ᯦᯲
Sian pustaha laklak do nian tandaonta surat Batak. Alai di hita na marumur di toru ni 50 taon nunga jarang hita marnida pustaha laklak
ᯀᯞᯤ ᯀᯞ ᯂᯔᯐᯮᯀᯉᯬ᯲ ᯉᯪ ᯐᯔᯉ᯲ ᯘᯀᯬᯉᯒᯪ ᯅᯬᯤ ᯑᯬ ᯐᯂᯀᯉᯬ᯲ᯖ ᯇᯘᯮ᯲ᯖᯂ ᯞᯄ᯦᯲ᯞᯄ᯦᯲ ᯑᯪᯎᯪᯖᯞ᯲. ᯒᯇ᯲ ᯖᯐᯂ ᯔ ᯑᯪᯘᯉᯬ᯲
Alai ala hamajuon ni zaman saonari boi do jahaonta pustaha laklak digital. Rap tajahama dison.
ᯞᯩᯖᯒᯩ᯲ ᯉᯀᯰᯮ ᯑᯪᯎᯮᯒᯖᯪ᯲ᯂᯬ᯲ ᯇᯰᯄ᯦ᯩ ᯔᯩᯘᯉᯪ᯲ ᯄ᯦ᯩᯖᯄ᯦ᯪ᯲
ᯑᯰᯮ ᯞᯔ᯲ ᯖᯮ ᯔᯐᯮᯉ ᯐᯔᯉ᯲ ᯤ ᯑᯪᯇᯖᯮᯇ ᯔ ᯎᯮᯒᯪᯖᯉ᯲ ᯉ ᯔᯔᯰᯄᯰᯩ ᯔᯘᯉᯪ᯲ ᯄ᯦ᯩᯖᯄ᯦ᯪ᯲. ᯅᯬᯤ ᯔ ᯤᯑᯀᯉᯬ᯲ᯖ ᯘᯬᯝᯉᯬ᯲ ᯉ ᯇᯪᯉᯖᯮᯇ ᯉᯪ ᯘᯪ ᯇᯉ᯲ ᯑᯒᯩ᯲ ᯖᯄ᯦ᯮ᯲
Dung lam tu majuna zaman i, dipatupa
ma guritan na mamangke mesin ketik. Boi ma idaonta songon na pintupa ni si Van Der
Tuk.
ᯐᯞ ᯞᯀᯘᯬ᯲ ᯤ ᯔ ᯑᯪᯇᯰᯄ᯦ᯩ ᯀᯔᯉ᯲ᯖ ᯉᯬᯔᯉᯩ᯲ᯘᯉᯩ᯲ ᯔᯰᯎᯮᯒᯖᯪ᯲ᯂᯉᯬ᯲ ᯅᯒᯪᯖ ᯉ ᯥᯞᯪ.
Jala laos i ma dipangke amanta Nomensen manggurithon barita na uli.
ᯄ᯦ᯩᯘᯩᯇᯄ᯦ᯖᯉ᯲ 1988 ᯛᯰ ᯖᯪᯑᯄ᯦᯲ ᯇᯒᯩ᯲ᯉᯂ᯲ ᯑᯪᯘᯬᯘᯪᯀᯞᯪᯘᯘᯪᯄ᯦ᯉ᯲
ᯑᯪᯂᯒᯰᯪᯄ᯦ᯖ᯦ᯬ᯲ᯂᯉᯬ] ᯇᯔᯒᯉᯩ᯲ᯖ ᯑᯬ ᯉᯪᯀᯉ᯲ ᯘᯮᯒᯖ᯲ ᯅᯖᯄ᯦᯲ ᯤ. ᯉᯀᯰᯩ ᯑᯬ ᯑᯪᯇᯖᯮᯇ ᯅᯮᯄ᯦ᯮ ᯇᯒ᯲ᯘᯪᯀᯐᯒᯉ᯲ ᯖᯒᯪᯝᯖᯬ᯲ ᯘᯮᯒᯖ᯲ ᯅᯖᯄ᯦᯲. ᯀᯞᯤ ᯀᯑᯰᯬ ᯑᯬ ᯂᯞᯝᯉ᯲ ᯉ ᯔᯉᯉᯮ᯲ᯑᯖᯪ ᯘᯰᯄ᯦ᯇ᯲ᯉ ᯤ
Diharingkothon pamarenta do nian surat Batak i. Naeng do dipatupa buku parsiajaran taringot surat Batak. Alai adong do halangan na manundati sangkapna i.
ᯑᯰᯮ ᯤ ᯑᯪᯇᯖᯮᯇ ᯀᯰᯄ᯦ ᯉ ᯔᯞᯬ ᯔ ᯒᯇᯖᯬ᯲ ᯅᯬᯞᯉᯬ᯲ ᯉ ᯉᯀᯰᯩ ᯇᯘᯰᯪᯄ᯦ᯇᯬ᯲ᯂᯉᯬ᯲ ᯞᯩᯖᯒᯩ᯲ ᯉᯪ ᯘᯮᯒᯖ᯲ ᯅᯖᯄ᯦᯲ ᯤ ᯘᯬᯝᯉᯬ᯲ ᯞᯩᯖᯒᯩ᯲ ᯞᯖᯉᯪ᯲. ᯑᯪᯎᯬᯀᯒᯪ ᯔ ᯒᯇᯖᯬ᯲ ᯅᯬᯞᯉᯬ᯲ ᯤ ᯄ᯦ᯩᯘᯩᯇᯄ᯦ᯖᯉ᯲ 1988
Dung i dipatupa angka na malo ma rapot bolon na naeng pasingkophon leter ni surat Batak i songon leter Latin. Digoarima rapot bolon i kesepakatan 1988.
ᯀᯞᯤ ᯔᯉᯰ ᯅᯬᯂ ᯔ ᯤ ᯎᯬᯑᯰ ᯑᯬ ᯀᯰᯄ᯦ ᯉ ᯇᯘᯪ᯲ᯖᯒ᯲ ᯉ ᯘᯬ ᯘᯖᯬᯞᯇᯬ᯲ ᯖᯮ ᯂᯘᯞᯪ᯲ ᯉᯪ ᯒᯇᯖᯬ᯲ ᯅᯬᯞᯉᯬ᯲ ᯤ. ᯐᯑᯪ ᯞᯀᯘᯬ᯲ ᯞᯞᯇ᯲ ᯔ ᯑᯪ ᯇᯒ᯲ᯞᯞᯇᯉ᯲ ᯑᯰ ᯑᯪᯬᯘᯪᯀᯞᯪᯘᯘᯪᯂᯉᯬ᯲ ᯂᯘᯞᯪ᯲ ᯉᯪ ᯒᯇᯖᯬ᯲ ᯅᯬᯞᯉᯬ᯲ ᯤ
Alai manang boha ma i godang do angka na pistar na so satolop tu hasil ni rapot bolon i. Jadi laos lalap ma di parlalapan, dang disosialisasihon hasil ni rapot bolon i.
ᯞᯩᯖᯒᯩ᯲ ᯅᯖᯄ᯦᯲ ᯥᯉᯪᯚ᯦ᯬᯑᯩ
ᯘᯤ ᯞᯔ᯲ ᯖᯮ ᯔᯐᯮᯉ ᯔ ᯐᯔᯉ᯲ ᯤ. ᯑᯪᯇᯖᯮᯇ ᯀᯔᯉ᯲ᯖ ᯥᯞᯪ ᯄ᯦ᯬᯐᯄ᯦ᯬ᯲ ᯔ ᯞᯩᯖᯒᯩ᯲ ᯉ ᯅᯬᯤ ᯑᯪ ᯇᯰᯄ᯦ᯩ ᯑᯪ ᯄ᯦ᯔᯬ᯲ᯇᯮᯖᯒ᯲.
Sai lam tu majuna ma zaman i. Dipatupa
amanta Uli Kozok ma leter na boi dipangke di komputer.
ᯑᯰᯮ ᯤ ᯑᯪᯥᯒᯘᯮ᯲ ᯔ ᯚ᯦ᯑᯩᯉ ᯖᯮ ᯥᯉᯪᯚ᯦ᯬᯑᯩ ᯀᯘ ᯅᯬᯤ ᯖᯒᯪᯑ ᯐᯂᯀᯉᯬ᯲ ᯞᯩᯖᯒᯩ᯲ ᯤ ᯑᯪ ᯀᯉᯪ᯲ᯖᯒᯩ᯲ᯉᯖᯩ᯲
Dung i diurus ma kodena tu unicode asa
boi tarida jahaon leter i di internet
ᯅᯬᯤ ᯔ ᯔᯰᯎᯮᯒᯖᯪ᯲ ᯑᯪ ᯘᯬᯘᯪᯀᯞ᯲ ᯔᯩᯑᯪᯀ
Boi ma manggurit di sosial media.
ᯞᯀᯘᯬ᯲ ᯤ ᯔ ᯉ ᯔᯔ᯲ᯅᯂᯉᯩ᯲ ᯀᯂᯮ ᯔᯔ᯲ᯇᯒ᯲ᯘᯪᯀᯐᯒᯪ ᯔᯮᯘᯩ ᯘᯮᯒᯖ᯲ ᯅᯖᯄ᯦᯲ ᯤ
Laos on ma na mambahen ahu mamparsiajari muse surat Batak i
ᯑᯰᯮ ᯤ ᯔᯮᯞᯤ ᯔ ᯀᯑᯰᯬ ᯀᯇᯪᯞᯪᯄ᯦ᯘᯪ ᯑᯪ ᯂᯇᯩ ᯅᯬᯤ ᯔ ᯚ᯦ᯖ᯲ᯖᯰᯪ ᯑᯪ ᯘᯬᯘᯪᯀᯞ᯲ ᯔᯩᯑᯪᯀ ᯇᯰᯄ᯦ᯩ ᯘᯮᯒᯖ᯲ ᯅᯖᯄ᯦᯲
Dung i mulai ma adong apilikasi di hp
boi catting di sosial media pangke surat Batak.
ᯑᯪᯇᯖᯮᯇ ᯔ ᯔᯮᯘᯩ ᯄ᯦ᯰᯬᯒᯘᯩ᯲ ᯄ᯦ᯰᯅᯮᯑᯛᯀᯉ᯲ ᯅᯖᯄ᯦᯲ ᯖᯬᯅ ᯉ ᯇᯒ᯲ᯐᯬᯞᯬ ᯑᯪ ᯖᯀᯉᯬ᯲ 2022. ᯑᯪᯖᯬᯞᯬᯇᯪ ᯔ ᯑᯪᯘᯪ ᯀᯘ ᯑᯪᯇᯰᯄ᯦ᯰ ᯔ ᯤᯉ ᯉᯪ ᯘᯮᯒᯖ᯲ ᯚ ᯑᯬᯂᯖᯬ᯲ ᯄ ᯔᯉ᯲ᯑᯤᯞᯰᯪ ᯉ ᯎᯅᯩ ᯚ᯦ ᯑᯬᯂᯖᯬ᯲ ᯄ᯦ ᯑᯪ ᯖᯬᯅ ᯑᯰᯮ ᯑᯪᯖᯔ᯲ᯅᯂᯬ᯲ ᯖᯔᯬ᯲ᯇᯪ.
Dipatupa ma muse kongres kebudayaan
Batak Toba na parjolo Taon 2022. Ditolopi ma disi asa dipangke ma ina ni surat
sa dohot ha Mandailing na gabe ca dohot ka di Toba dung ditambahon tompi.
ᯑᯰᯮ ᯤ ᯀᯑᯰᯬ ᯔ ᯘᯀᯬᯉᯒᯪ ᯘᯪᯖᯘᯮ᯲ ᯉ ᯅᯬᯤ ᯇᯰᯄ᯦ᯀᯉᯬ᯲ᯖ ᯔᯰᯎᯮᯒᯖᯪ᯲ ᯘᯮᯒᯖ᯲ ᯅᯖᯄ᯦᯲ ᯤ ᯇᯰᯄ᯦ᯩ ᯞᯩᯖᯒᯩ᯲ ᯞᯖᯉᯪ᯲ ᯀᯞᯤ ᯅᯬᯤ ᯑᯪᯇᯥᯅ ᯘᯪᯖᯘᯮ᯲ ᯤ ᯎᯅᯩ ᯞᯩᯖᯒᯩ᯲ ᯅᯖᯄ᯦᯲ ᯘᯮᯅ ᯂᯔᯮ ᯔ ᯑᯪᯘᯉᯬ᯲
Dung i adong saonari situs na boi pangkeonta manggurit surat Batak i pangke leter Latin. Alai boi dipauba situs i gabe leter Batak.