Habubungkas ni si Abram rap dohot si Lot sian tano hagodanganna Bagabaga ni Debata 1-9. ᯂᯅᯮᯅᯮᯰᯄ᯦ᯘ᯲ ᯉᯪ ᯘᯪ ᯀᯅ᯲ᯒᯔ᯲ ᯒᯇ᯲ ᯑᯬᯂᯖᯬ᯲ ᯘᯪ ᯞᯖᯬ᯲ ᯘᯪᯀᯉ᯲ ᯖᯉᯬ ᯂᯎᯬᯑᯝᯉ᯲ᯉ ᯅᯎᯅᯎ ᯉᯪ ᯑᯩᯅᯖ ᯘᯑ – ᯘᯪᯀ
Hatutuatna tu tano Misir. Pangondingion ni Debata 10-20. ᯂᯖᯮᯖᯮᯀᯖ᯲ᯉ ᯖᯮ ᯖᯉᯬ ᯔᯪᯘᯒᯪ᯲, ᯇᯝᯉᯬ᯲ᯑᯪᯝᯪᯀᯉᯬ᯲ ᯉᯪ ᯑᯩᯅᯖ ᯘᯔ᯲ᯇᯮᯞᯮ – ᯑᯮᯀᯇᯮᯞᯮ
Habubungkas ni si Abram rap dohot si Lot sian tano hagodanganna Bagabaga ni Debata 1-9. ᯂᯅᯮᯅᯮᯰᯄ᯦ᯘ᯲ ᯉᯪ ᯘᯪ ᯀᯅ᯲ᯒᯔ᯲ ᯒᯇ᯲ ᯑᯬᯂᯖᯬ᯲ ᯘᯪ ᯞᯖᯬ᯲ ᯘᯪᯀᯉ᯲ ᯖᯉᯬ ᯂᯎᯬᯑᯝᯉ᯲ᯉ ᯅᯎᯅᯎ ᯉᯪ ᯑᯩᯅᯖ ᯘᯑ – ᯘᯪᯀ
I. 1 Dung i ninna Jahowa ma mandok si Abram: Bungkas ma ho sian tano hagodanganmu dohot sian hatubuanmu dohot sian bagas ni amam tu tano sipatuduhononku tu ho. ᯑᯮᯰ ᯤ ᯉᯉᯪ᯲ᯉ ᯐᯂᯬᯋ ᯔ ᯔᯉ᯲ᯑᯄ᯦ᯬ᯲ ᯘᯪ ᯀᯅ᯲ᯒᯔ᯲ : ᯅᯮᯰᯄ᯦ᯘ᯲ ᯔ ᯂᯬ ᯘᯪᯀᯉ᯲ ᯖᯉᯬ ᯂᯎᯬᯑᯝᯉ᯲ᯔᯮ ᯑᯬᯂᯖᯬ᯲ ᯘᯪᯀᯉ᯲ ᯂᯖᯮᯅᯮᯀᯉ᯲ᯔᯮ ᯑᯬᯂᯖᯬ᯲ ᯘᯪᯀᯉ᯲ ᯅᯎᯘ᯲ ᯉᯪ ᯀᯔᯔ᯲ ᯖᯮ ᯖᯉᯬ ᯘᯪᯇᯖᯮᯑᯮᯂᯬᯉᯉᯬ᯲ᯄ᯦ᯮ ᯖᯮ ᯂᯬ
2 Hubahen pe ho gabe bangso na bolon, jala pasupasuonku ma ho, jala pabalgaonku goarmu, asa gabe pasupasu ho. ᯂᯮᯅᯂᯉᯩ᯲ ᯇᯩ ᯂᯬ ᯎᯅᯩ ᯅᯰᯘᯬ ᯉ ᯅᯬᯞᯉᯬ᯲, ᯐᯞ ᯇᯘᯮᯇᯘᯮᯀᯉᯬ᯲ᯄ᯦ᯮ ᯔ ᯂᯬ, ᯐᯞ ᯇᯅᯞ᯲ᯎᯀᯉᯬ᯲ᯄ᯦ᯮ ᯎᯬᯀᯒ᯲ᯔᯮ, ᯀᯘ ᯎᯅᯩ ᯇᯘᯮᯇᯘᯮ ᯂᯬ
3 Jala pasupasuonku angka na mamasumasu ho, jala toruanku angka na mamburai ho, jala dapotan pasupasu marhitehite ho saluhut angka bangso ni tano on. ᯐᯞ ᯇᯘᯮᯇᯘᯮᯀᯉᯬ᯲ᯄ᯦ᯮ ᯀᯰᯄ᯦ ᯉ ᯔᯔᯘᯮᯔᯘᯮ ᯂᯬ, ᯐᯞ ᯖᯬᯒᯮᯀᯉ᯲ᯄ᯦ᯮ ᯀᯰᯄ᯦ ᯉ ᯔᯔ᯲ᯅᯮᯒᯤ ᯂᯬ, ᯐᯞ ᯑᯇᯬᯖᯉ᯲ ᯇᯘᯮᯇᯘᯮ ᯔᯒ᯲ᯂᯪᯖᯩᯂᯪᯖᯩ ᯂᯬ ᯘᯞᯮᯂᯖᯮ᯲ ᯀᯰᯄ᯦ ᯅᯰᯘᯬ ᯉᯪ ᯖᯉᯬ ᯀᯉᯬ᯲
4 Jadi bungkas ma si Abram, songon na nidok ni Jahowa tu ibana, bungkas ma dohot si Lot udur dohot ibana. Marumur pitupulu lima taon si Abram, di na bungkas i ibana sian Haran. ᯐᯑᯪ ᯅᯮᯰᯄ᯦ᯘ᯲ ᯔ ᯘᯪ ᯀᯅ᯲ᯒᯔ᯲, ᯘᯬᯝᯉᯬ᯲ ᯉ ᯉᯪᯑᯄ᯦ᯬ᯲ ᯉᯪ ᯐᯂᯬᯋ ᯖᯮ ᯤᯅᯉ, ᯅᯮᯰᯄ᯦ᯘ᯲ ᯔ ᯑᯬᯂᯖᯬ᯲ ᯘᯪ ᯞᯖᯬ᯲ ᯥᯑᯒᯮ᯲ ᯑᯬᯂᯖᯬ᯲ ᯤᯅᯉ. ᯔᯒᯮᯔᯒᯮ᯲ ᯇᯪᯖᯮᯇᯮᯞᯮ ᯞᯪᯔ ᯖᯀᯉᯬ᯲ ᯘᯪ ᯀᯅ᯲ᯒᯔ᯲, ᯑᯪ ᯉ ᯅᯮᯰᯄ᯦ᯘ᯲ ᯤ ᯤᯅᯉ ᯘᯪᯀᯉ᯲ ᯂᯒᯉ᯲
5 Dung i diarahon si Abram ma si Sarai, jolmana i dohot si Lot, anak ni hahana i ro di sude na sinamotsamotnasida, dohot jolma, angka na tinuhornasida di Haran, jadi bungkas ma nasida laho tu tano Kanaan. Jadi dung tolhas nasida ro di tano Kanaan. ᯑᯮᯰ ᯤ ᯑᯪᯀᯒᯂᯉᯬ᯲ ᯘᯪ ᯀᯅ᯲ᯒᯔ᯲ ᯔ ᯘᯪ ᯘᯒᯤ, ᯐᯞᯬ᯲ᯔᯉ ᯤ ᯑᯬᯂᯖᯬ᯲ ᯘᯪ ᯞᯖᯬ᯲, ᯀᯉᯄ᯦᯲ ᯉᯪ ᯂᯂᯉ ᯤ ᯒᯬ ᯑᯪ ᯘᯮᯑᯩ ᯉ ᯘᯪᯉᯔᯖᯬ᯲ᯘᯔᯖᯬ᯲ᯉᯘᯪᯑ ᯑᯬᯂᯖᯬ᯲ ᯐᯞᯬ᯲ᯔ, ᯀᯰᯄ᯦ ᯉ ᯖᯪᯉᯮᯂᯒᯬ᯲ᯉᯘᯪᯑ ᯑᯪ ᯂᯒᯉ᯲, ᯐᯑᯪ ᯅᯮᯰᯄ᯦ᯘ᯲ ᯔ ᯉᯘᯪᯑ ᯞᯂᯬ ᯖᯮ ᯖᯉᯬ ᯄ᯦ᯉᯀᯉ᯲, ᯐᯑᯪ ᯑᯮᯰ ᯖᯞᯬ᯲ᯂᯘ᯲ ᯉᯘᯪᯑ ᯒᯬ ᯑᯪ ᯖᯉᯬ ᯄ᯦ᯉᯀᯉ᯲
6 Diliati si Abram ma tano i sahat tu inganan ni si Sikem, ro di tombak More, nunga di tano i hian halak Kanaan i, didapot. ᯑᯪᯞᯪᯀᯖᯪ ᯘᯪ ᯀᯅ᯲ᯒᯔ᯲ ᯔ ᯖᯉᯬ ᯤ ᯘᯂᯖ᯲ ᯖᯮ ᯤᯝᯉᯉ᯲ ᯉᯪ ᯘᯪ ᯘᯪᯄ᯦ᯔᯩ᯲, ᯒᯬ ᯑᯪ ᯖᯔᯬ᯲ᯅᯄ᯦᯲ ᯔᯬᯒᯩ, ᯉᯮᯝ ᯑᯪ ᯖᯉᯬ ᯤ ᯂᯪᯀᯉ᯲ ᯂᯞᯄ᯦᯲ ᯄ᯦ᯉᯀᯉ᯲ ᯤ ᯑᯪᯑᯇᯖᯬ᯲
7 Dung i ro ma Jahowa, diida si Abram, didok ma: Tu pinomparmu ma lehononku tano on. Jadi dipajok disi sada langgatan di Jahowa na niidana i.ᯑᯮᯰ ᯤ ᯒᯬ ᯔ ᯐᯂᯬᯋ, ᯑᯪᯤᯑ ᯘᯪ ᯀᯅ᯲ᯒᯔ᯲, ᯑᯪᯑᯄ᯦ᯬ᯲ ᯔ : ᯖᯮ ᯇᯪᯉᯔᯬ᯲ᯇᯒ᯲ᯔᯮ ᯔ ᯞᯩᯂᯬᯉᯉᯬ᯲ᯄ᯦ᯮ ᯖᯉᯬ ᯀᯉᯬ᯲. ᯐᯑᯪ ᯑᯪᯇᯐᯄ᯦ᯬ᯲ ᯑᯪᯘᯪ ᯘᯑ ᯞᯰᯎᯖᯉ᯲ ᯑᯪ ᯐᯂᯬᯋ ᯉ ᯉᯪᯤᯑᯉ ᯤ
8 Dung i borhat ma ibana sian i tu sada dolok na tungkan habinsaran ni Betel, jala dipagohon undungundungna, tungkan hasundutan ni Betel, jala tungkan habinsaran ni Ai; jadi dipauli ma disi sada langgatan di Jahowa, jala dipajoujou goar ni Jahowa. ᯑᯮᯰ ᯤ ᯅᯒᯬ᯲ᯂᯖ᯲ ᯔ ᯤᯅᯉ ᯘᯪᯀᯉ᯲ ᯤ ᯖᯮ ᯘᯑ ᯑᯬᯞᯄ᯦ᯬ᯲ ᯉ ᯖᯮᯰᯄ᯦ᯉ᯲ ᯂᯅᯉᯪ᯲ᯘᯒᯉ᯲ ᯉᯪ ᯅᯩᯖᯞᯩ᯲, ᯐᯞ ᯑᯪᯇᯎᯬᯂᯉᯬ᯲ ᯀᯉᯮ᯲ᯑᯮᯰᯀᯉᯮ᯲ᯑᯮᯰᯉ, ᯖᯮᯰᯄ᯦ᯉ᯲ ᯂᯘᯉᯮ᯲ᯑᯮᯖᯉ᯲ ᯉᯪ ᯅᯩᯖᯞᯩ᯲ ᯐᯞ ᯖᯮᯰᯄ᯦ᯉ᯲ ᯂᯅᯉᯪ᯲ᯘᯒᯉ᯲ ᯉᯪ ᯀᯤ : ᯐᯑᯪ ᯑᯪᯇᯥᯞᯪ ᯔ ᯑᯪᯘᯪ ᯘᯑ ᯞᯰᯎᯖᯉ᯲ ᯑᯪ ᯐᯂᯬᯋ, ᯐᯞ ᯑᯪᯇᯐᯬᯥᯐᯬᯥ ᯎᯬᯀᯒ᯲ ᯉᯪ ᯐᯂᯬᯋ
9 Dung i bungkas muse si Abram laho dompak dangsina. ᯑᯮᯰ ᯤ ᯅᯮᯰᯄ᯦ᯘ᯲ ᯔᯮᯘᯩ ᯘᯪ ᯀᯅ᯲ᯒᯔ᯲ ᯞᯂᯬ ᯑᯔᯬ᯲ᯇᯄ᯦᯲ ᯑᯰᯘᯪᯉ
Hatutuatna tu tano Misir. Pangondingion ni Debata 10-20. ᯂᯖᯮᯖᯮᯀᯖ᯲ᯉ ᯖᯮ ᯖᯉᯬ ᯔᯪᯘᯒᯪ᯲, ᯇᯝᯉᯬ᯲ᯑᯪᯝᯪᯀᯉᯬ᯲ ᯉᯪ ᯑᯩᯅᯖ ᯘᯔ᯲ᯇᯮᯞᯮ – ᯑᯮᯀᯇᯮᯞᯮ
II. 10 Alai masa ma haleon di tano i, jadi tuat ma si Abram tu tano Misir, asa maisolat ibana disi, ai haleon potir do di tano i. ᯀᯞᯤ ᯔᯘ ᯔ ᯂᯞᯩᯀᯉᯬ᯲ ᯑᯪ ᯖᯉᯬ ᯤ, ᯐᯑᯪ ᯖᯮᯀᯖ᯲ ᯔ ᯘᯪ ᯀᯅ᯲ᯒᯔ᯲ ᯖᯮ ᯖᯉᯬ ᯔᯪᯘᯒᯪ᯲, ᯀᯘ ᯔᯤᯘᯬᯞᯖ᯲ ᯤᯅᯉ ᯑᯪᯘᯪ, ᯀᯤ ᯂᯞᯩᯀᯉᯬ᯲ ᯇᯬᯖᯒᯪ᯲ ᯑᯬ ᯑᯪ ᯖᯉᯬ ᯤ
11 Jadi mandapothon tano Misir i ibana, ninna ma mandok si Sarai, jolmana i: Huboto do, boruboru na uli rupa do ho. ᯐᯑᯪ ᯔᯉ᯲ᯑᯇᯖᯬ᯲ᯂᯉᯬ᯲ ᯖᯉᯬ ᯔᯪᯘᯒᯪ᯲ ᯤ ᯤᯅᯉ, ᯉᯉᯪ᯲ᯉ ᯔ ᯔᯉ᯲ᯑᯄ᯦ᯬ᯲ ᯘᯪ ᯘᯒᯤ, ᯐᯞᯬ᯲ᯔᯉ ᯤ : ᯂᯮᯅᯬᯖᯬ ᯑᯬ, ᯅᯬᯒᯮᯅᯬᯒᯮ ᯉ ᯥᯞᯪ ᯒᯮᯇ ᯑᯬ ᯂᯬ
12 Onpe, molo diida halak Misir ho, dohononnasida ma: Jolmana do on, gabe bunuonnasida ahu, ianggo ho pangoluonnasida do. ᯀᯉᯬ᯲ ᯇᯩ, ᯔᯬᯞᯬ ᯑᯪᯤᯑ ᯂᯞᯄ᯦᯲ ᯔᯪᯘᯒᯪ᯲ ᯂᯬ, ᯑᯬᯂᯬᯉᯉᯬ᯲ᯉᯘᯪᯑ ᯔ ᯐᯞᯬ᯲ᯔᯉ ᯑᯬ ᯀᯉᯬ᯲, ᯎᯅᯩ ᯅᯮᯉᯮᯀᯉᯬ᯲ᯉᯘᯪᯑ ᯀᯂᯮ, ᯤᯀᯰᯎᯬ ᯂᯬ ᯇᯝᯬᯞᯮᯉᯬ᯲ᯉᯘᯪᯑ ᯑᯬ
13 Ua dok ma, ibotongku ho, asa sonang ahu ala ho, jala mangolu hosangku ala ho. ᯥᯀ ᯑᯄ᯦ᯬ᯲ ᯔ, ᯤᯅᯬᯖᯬᯰᯄ᯦ᯮ ᯂᯬ, ᯀᯘ ᯘᯬᯉᯰ ᯀᯂᯮ ᯀᯞ ᯂᯬ, ᯐᯑᯪ ᯔᯝᯬᯞᯮ ᯂᯬᯘᯰᯄ᯦ᯮ ᯀᯞ ᯂᯬ
14 Jadi dung tolhas si Abram ro di tano Misir, dipaberengbereng halak Misir ma boruboru i, ai na uli situtu do ibana. ᯐᯑᯪ ᯑᯮᯰ ᯖᯞᯬ᯲ᯂᯘ᯲ ᯘᯪ ᯀᯅ᯲ᯒᯔ᯲ ᯒᯬ ᯑᯪ ᯖᯉᯬ ᯔᯪᯘᯒᯪ᯲, ᯑᯪᯇᯅᯩᯒᯰᯩᯅᯩᯒᯰᯩ ᯂᯞᯄ᯦᯲ ᯔᯪᯘᯒᯪ᯲ ᯔ ᯅᯬᯒᯮᯅᯬᯒᯮ ᯤ, ᯀᯤ ᯉ ᯥᯞᯪ ᯘᯪᯖᯮᯖᯮ ᯑᯬ ᯤᯅᯉ
15 Dohot angka panuturi ni raja Firaun paberengbereng ibana, jala dipapujipuji ibana tu raja Firaun; jadi diboan ma boruboru i tu bagas ni raja Firaun. ᯑᯬᯂᯖᯬ᯲ ᯀᯰᯄ᯦ ᯇᯉᯮᯖᯮᯒᯪ ᯉᯪ ᯒᯐ ᯇᯪᯒᯀᯉᯮ᯲ ᯇᯅᯩᯒᯰᯩᯅᯩᯒᯰᯩ ᯤᯅᯉ, ᯐᯞ ᯑᯪᯇᯇᯮᯐᯪᯇᯮᯐᯪ ᯤᯅᯉ ᯖᯮ ᯒᯐ ᯇᯪᯒᯀᯉᯮ᯲ : ᯐᯑᯪ ᯑᯪᯅᯬᯀᯉ᯲ ᯔ ᯅᯬᯒᯮᯅᯬᯒᯮ ᯤ ᯖᯮ ᯅᯎᯘ᯲ ᯉᯪ ᯒᯐ ᯇᯪᯒᯀᯉᯮ᯲
16 Dipadenggan ma uhumna tu si Abram, ala ni angkora i, gabe adong ma di ibana angka birubiru, lombu, halode, angka naposo baoa dohot boruboru, dohot halode boruboru dohot angka unto. ᯑᯪᯇᯑᯰᯩᯎᯉ᯲ ᯔ ᯥᯂᯔᯮ᯲ᯉ ᯖᯮ ᯘᯪ ᯀᯅ᯲ᯒᯔ᯲, ᯀᯞ ᯉᯪ ᯀᯰᯄ᯦ᯬᯒ ᯤ, ᯎᯅᯩ ᯀᯑᯬᯰ ᯔ ᯑᯪ ᯤᯅᯉ ᯀᯰᯄ᯦ ᯅᯪᯒᯮᯅᯪᯒᯮ, ᯞᯔᯬ᯲ᯅᯮ, ᯂᯞᯬᯑᯩ, ᯀᯰᯄ᯦ ᯉᯇᯬᯘᯬ ᯅᯀᯬᯀ ᯑᯬᯂᯖᯬ᯲ ᯅᯬᯒᯮᯅᯬᯒᯮ, ᯑᯬᯂᯖᯬ᯲ ᯂᯞᯬᯑᯩ ᯅᯬᯒᯮᯅᯬᯒᯮ ᯑᯬᯂᯖᯬ᯲ ᯀᯰᯄ᯦ ᯀᯉᯮ᯲ᯖᯬ
17 Alai dihonahon Jahowa ma angka haporsuhon bolon tu raja Firaun dohot tu donganna sajabu ala hata ni si Sarai, jolma ni si Abram i. ᯀᯞᯤ ᯑᯪᯂᯬᯉᯂᯉᯬ᯲ ᯐᯂᯬᯋ ᯔ ᯀᯰᯄ᯦ ᯂᯇᯒᯬ᯲ᯘᯮᯂᯉᯬ᯲ ᯅᯬᯞᯉᯬ᯲ ᯖᯮ ᯒᯐ ᯇᯪᯒᯀᯉᯮ᯲
18 Jadi dijou raja Firaun ma si Abram, didok ma; dia do na binahenmi tu ahu? Boasa so dipaboa ho tu ahu jolmam ibana hape? ᯐᯑᯪ ᯑᯪᯐᯬᯥ ᯒᯐ ᯇᯪᯒᯀᯉᯮ᯲ ᯔ ᯘᯪ ᯀᯅ᯲ᯒᯔ᯲, ᯑᯪᯑᯄ᯦ᯬ᯲ ᯔ : ᯑᯪᯀ ᯑᯬ ᯉ ᯅᯪᯉᯂᯉᯩ᯲ᯔᯪ ᯖᯮ ᯀᯂᯮ ? ᯅᯬᯀᯘ ᯑᯬ ᯘᯬ ᯑᯪᯇᯅᯬᯀ ᯂᯬ ᯖᯮ ᯀᯂᯮ ᯐᯞᯬ᯲ᯔᯔ᯲ ᯤᯅᯉ ᯂᯇᯩ ?
19 Boasa dohononmu: Ibotongku ibana? Jadi naeng buatonku ibana bahen jolmangku. On pe, na, jolmam, buat ma, dung i laho ma ho. ᯅᯬᯀᯘ ᯑᯬᯂᯬᯉᯉᯬ᯲ᯔᯮ : ᯤᯅᯬᯖᯬᯰᯄ᯦ᯮ ᯤᯅᯉ ? ᯐᯑᯪ ᯉᯀᯰᯩ ᯅᯮᯀᯖᯉᯬ᯲ᯄ᯦ᯮ ᯤᯅᯉ ᯅᯂᯉᯩ᯲ ᯐᯞᯬ᯲ᯔᯰᯄ᯦ᯮ. ᯀᯉᯬ᯲ ᯇᯩ ᯉ ᯐᯞᯬ᯲ᯔᯔ, ᯅᯮᯀᯖ᯲ ᯔ, ᯑᯮᯰ ᯤ ᯞᯂᯬ ᯔ ᯂᯬ
20 Dung i didokkon raja Firaun ma angka naposona bahen donganna pataruhon ibana dohot jolmana dohot sude na di ibana i. ᯑᯮᯰ ᯤ ᯑᯪᯑᯄ᯦ᯬ᯲ᯄ᯦ᯉᯬ᯲ ᯒᯐ ᯇᯪᯒᯀᯉᯮ᯲ ᯔ ᯀᯰᯄ᯦ ᯉᯇᯬᯘᯬᯉ ᯅᯂᯉᯩ᯲ ᯑᯬᯝᯉ᯲ᯉ ᯇᯖᯒᯮᯂᯉᯬ᯲ ᯤᯅᯉ ᯑᯬᯂᯖᯬ᯲ ᯐᯞᯬ᯲ᯔᯉ ᯑᯬᯂᯖᯬ᯲ ᯘᯮᯑᯩ ᯉ ᯑᯪ ᯤᯅᯉ ᯤ