Abram tumadingkon Misir mansai mamora 1-4. ᯀᯅ᯲ᯒᯔ᯲ ᯖᯮᯔᯑᯪᯰᯄ᯦ᯉᯬ᯲ ᯔᯪᯘᯒᯪ᯲ ᯔᯉ᯲ᯘᯤ ᯔᯔᯬᯒ ᯘᯑ – ᯀᯬᯇᯖ᯲
Parsirangon ni si Abram sian si Lot 5-13. ᯇᯒ᯲ᯘᯪᯒᯝᯉᯬ᯲ ᯉᯪ ᯘᯪ ᯀᯅ᯲ᯒᯔ᯲ ᯘᯪᯀᯉ᯲ ᯘᯪ ᯞᯖᯬ᯲ ᯞᯪᯔ – ᯘᯔ᯲ᯇᯮᯞᯮ ᯖᯬᯞᯮ
Diparata Debata bagabagana 14-18. ᯑᯪᯇᯒᯖ ᯑᯩᯅᯖ ᯅᯎᯅᯎᯉ ᯘᯔ᯲ᯇᯮᯞᯮ ᯀᯬᯇᯖ᯲ – ᯘᯔ᯲ᯇᯮᯞᯮ ᯥᯀᯞᯮ
Abram tumadingkon Misir mansai mamora 1-4. ᯀᯅ᯲ᯒᯔ᯲ ᯖᯮᯔᯑᯪᯰᯄ᯦ᯉᯬ᯲ ᯔᯪᯘᯒᯪ᯲ ᯔᯉ᯲ᯘᯤ ᯔᯔᯬᯒ ᯘᯑ – ᯀᯬᯇᯖ᯲
I. 1 Jadi nangkok ma si Abram sian Misir, ibana dohot jolmana dohot sude na di ibana rap dohot si Lot tu Kanaan pardangsina. ᯐᯑᯪ ᯉᯰᯄ᯦ᯄ᯦ᯬ᯲ ᯔ ᯘᯪ ᯀᯅ᯲ᯒᯔ᯲ ᯘᯪᯀᯉ᯲ ᯔᯪᯘᯒᯪ᯲, ᯤᯅᯉ ᯑᯬᯂᯖᯬ᯲ ᯐᯞᯬ᯲ᯔᯉ ᯑᯬᯂᯖᯬ᯲ ᯘᯮᯑᯩ ᯉ ᯑᯪ ᯤᯅᯉ ᯒᯇ᯲ ᯑᯬᯂᯖᯬ᯲ ᯘᯪ ᯞᯖᯬ᯲ ᯖᯮ ᯄ᯦ᯉᯀᯉ᯲ ᯇᯒ᯲ᯑᯰᯘᯪᯉ
2 Alai mamora situtu do si Abram di pinahan, perak dohot di sere. ᯀᯞᯤ ᯔᯔᯬᯒ ᯘᯪᯖᯮᯖᯮ ᯑᯬ ᯘᯪ ᯀᯅ᯲ᯒᯔ᯲ ᯑᯪ ᯇᯪᯉᯂᯉ᯲, ᯇᯩᯒᯄ᯦᯲ ᯑᯬᯂᯖᯬ᯲ ᯑᯪ ᯘᯩᯒᯩ
3 Dung i didatdati ma dalanna sian dangsina sahat ro di Betel, ro di hajongjongan ni undungundungna di mulana, di holangkolang ni Betel dohot Ai. ᯑᯮᯰ ᯤ ᯑᯪᯑᯖ᯲ᯑᯖᯪ ᯔ ᯑᯞᯉ᯲ᯉ ᯘᯪᯀᯉ᯲ ᯑᯰᯘᯪᯉ ᯘᯂᯖ᯲ ᯒᯬ ᯑᯪ ᯅᯩᯖᯞᯩ᯲, ᯒᯬ ᯑᯪ ᯂᯐᯬᯰᯐᯬᯝᯉ᯲ ᯉᯪ ᯀᯉᯮ᯲ᯑᯮᯰᯀᯉᯮ᯲ᯉ ᯑᯪ ᯔᯮᯞᯉ, ᯑᯪ ᯂᯬᯞᯰᯄ᯦ᯬᯞᯰ ᯉᯪ ᯅᯩᯖᯞᯩ᯲ ᯑᯬᯂᯖᯬ᯲ ᯀᯤ
4 Tu hajongjongan ni langgatan na binahenna disi parjolo, jala dipajoujou si Abram disi goar ni Jahowa. ᯖᯮ ᯂᯐᯬᯰᯐᯬᯝᯉ᯲ ᯉᯪ ᯞᯰᯎᯖᯉ᯲ ᯉ ᯅᯪᯉᯂᯉᯩ᯲ᯉ ᯑᯪᯘᯪ ᯇᯒ᯲ᯐᯬᯞᯬ ᯐᯞ ᯑᯪᯇᯐᯬᯥᯐᯬᯥ ᯘᯪ ᯀᯅ᯲ᯒᯔ᯲ ᯑᯪᯘᯪ ᯎᯬᯀᯒ᯲ ᯉᯪ ᯐᯂᯬᯋ
Parsirangon ni si Abram sian si Lot 5-13. ᯇᯒ᯲ᯘᯪᯒᯝᯉᯬ᯲ ᯉᯪ ᯘᯪ ᯀᯅ᯲ᯒᯔ᯲ ᯘᯪᯀᯉ᯲ ᯘᯪ ᯞᯖᯬ᯲ ᯞᯪᯔ – ᯘᯔ᯲ᯇᯮᯞᯮ ᯖᯬᯞᯮ
II. 5 Alai si Lot pe, na udur mardalan dohot si Abram, marbirubiru do, jala marlombu jala marundungundung. ᯀᯞᯤ ᯘᯪ ᯞᯖᯬ᯲ ᯇᯩ, ᯉ ᯥᯑᯒᯮ᯲ ᯔᯒ᯲ᯑᯞᯉ᯲ ᯑᯬᯂᯖᯬ᯲ ᯘᯪ ᯀᯅ᯲ᯒᯔ᯲, ᯔᯒ᯲ᯅᯪᯒᯮᯅᯪᯒᯮ ᯑᯬ, ᯐᯞ ᯔᯒ᯲ᯞᯔᯬ᯲ᯅᯮ ᯐᯞ ᯔᯒᯉᯮ᯲ᯑᯮᯝᯉᯮ᯲ᯑᯮᯰ
6 Jadi ndang tarparmudu tano i nasida, ianggo tung tampak maringan, ai tung na godang do artanasida, jadi ndang tarbahen be top nasida maringan. ᯐᯑᯪ ᯉ᯲ᯑᯰ ᯖᯒ᯲ᯇᯒ᯲ᯔᯮᯑᯮ ᯖᯉᯬ ᯤ ᯉᯘᯪᯑ, ᯤᯀᯰᯎᯬ ᯖᯮᯰ ᯖᯔ᯲ᯇᯄ᯦᯲ ᯔᯒᯪᯝᯉ᯲, ᯀᯤ ᯖᯮᯰ ᯉ ᯎᯬᯑᯰ ᯑᯬ ᯀᯒ᯲ᯖᯉᯘᯪᯑ, ᯐᯑᯪ ᯉ᯲ᯑᯰ ᯖᯒ᯲ᯅᯂᯉᯩ᯲ ᯅᯩ ᯖᯇᯬ᯲ ᯉᯘᯪᯑ ᯔᯒᯪᯝᯉ᯲
7 Dung i sai adong bada di tongatonga ni sipormahan pinahan ni si Abram dohot sipormahan pinahan ni si Lot. Halak Kanaan i pe dohot halak Perisi maringan uju i di tano i. ᯑᯮᯰ ᯤ ᯘᯤ ᯀᯑᯬᯰ ᯅᯑ ᯑᯪ ᯖᯬᯝᯖᯬᯝ ᯉᯪ ᯘᯪᯇᯒᯬ᯲ᯔᯂᯉ᯲ ᯇᯪᯉᯂᯉ᯲ ᯉᯪ ᯘᯪ ᯀᯅ᯲ᯒᯔ᯲ ᯑᯬᯂᯖᯬ᯲ ᯘᯪᯇᯒᯬ᯲ᯔᯂᯉ᯲ ᯇᯪᯉᯂᯉ᯲ ᯉᯪ ᯘᯪ ᯞᯖᯬ᯲, ᯂᯞᯄ᯦᯲ ᯄ᯦ᯉᯀᯉ᯲ ᯤ ᯇᯩ ᯑᯬᯂᯖᯬ᯲ ᯂᯞᯄ᯦᯲ ᯇᯩᯒᯪᯘᯪ ᯔᯒᯪᯝᯉ᯲ ᯥᯐᯮ ᯤ ᯑᯪ ᯖᯉᯬ ᯤ
8 Jadi ninna si Abram ma tu si Lot: Ua unang adong bada di tongatonganta dohot di tongatonga ni parmahan ni pinahanta be, ai na sabutuha do hita. ᯐᯑᯪ ᯉᯉᯪ᯲ᯉ ᯘᯪ ᯀᯅ᯲ᯒᯔ᯲ ᯔ ᯖᯮ ᯘᯪ ᯞᯖᯬ᯲ : ᯥᯀ ᯥᯉᯰ ᯀᯑᯬᯰ ᯅᯑ ᯑᯪ ᯖᯬᯝᯖᯬᯝᯉ᯲ᯖ ᯑᯬᯂᯖᯬ᯲ ᯑᯪ ᯖᯬᯝᯖᯬᯝ ᯉᯪ ᯇᯒ᯲ᯔᯂᯉ᯲ ᯉᯪ ᯇᯪᯉᯂᯉ᯲ᯖ ᯅᯩ, ᯀᯤ ᯉ ᯘᯅᯮᯖᯮᯂ ᯑᯬ ᯂᯪᯖ
9 Nda di jolom do sandok tano on? Ua sirang ma ho sian ahu! Ia tu hambirang ho, tu siamun ahu; ia tu siamun ho tu hambirang ahu. ᯉ᯲ᯑ ᯑᯪ ᯐᯬᯞᯔᯬ᯲ ᯑᯬ ᯘᯉ᯲ᯑᯄ᯦ᯬ᯲ ᯖᯉᯬ ᯀᯉᯬ᯲ ? ᯥᯀ ᯘᯪᯒᯰ ᯔ ᯂᯬ ᯘᯪᯀᯉ᯲ ᯀᯂᯮ ! ᯤᯀ ᯖᯮ ᯂᯔ᯲ᯅᯪᯒᯰ ᯂᯬ, ᯖᯮ ᯘᯪᯀᯔᯉᯮ᯲ ᯀᯂᯮ : ᯤᯀ ᯖᯮ ᯘᯪᯀᯔᯉᯮ᯲ ᯂᯬ ᯖᯮ ᯂᯔ᯲ᯅᯪᯒᯰ ᯀᯂᯮ
10 Jadi manatapnatap ma si Lot manangkasi sude angka luat humaliang Jordan, ai angka tano tangkasan do i luhut, tagan so diripashon Jahowa dope Sodom dohot Gomorra, sobokkon porlak ni Jahowa, sobokkon tano Misir tolhas ro di Zoar. ᯐᯑᯪ ᯔᯉᯖᯇ᯲ᯉᯖᯇ᯲ ᯔ ᯘᯪ ᯞᯖᯬ᯲ ᯔᯉᯰᯄ᯦ᯘᯪ ᯘᯮᯑᯩ ᯀᯰᯄ᯦ ᯞᯮᯀᯖ᯲ ᯂᯮᯔᯞᯪᯀᯰ ᯐᯒᯬ᯲ᯑᯉ᯲, ᯀᯤ ᯀᯰᯄ᯦ ᯖᯉᯬ ᯖᯰᯄ᯦ᯘᯉ᯲ ᯑᯬ ᯤ ᯞᯮᯂᯖᯮ᯲, ᯖᯎᯉ᯲ ᯘᯬ ᯑᯪᯒᯪᯇᯘ᯲ᯂᯉᯬ᯲ ᯐᯂᯬᯋ ᯑᯬᯇᯩ ᯘᯬᯑᯔᯬ᯲ ᯑᯬᯂᯖᯬ᯲ ᯎᯬᯔᯒᯬ᯲ᯒ, ᯘᯬᯅᯄ᯦ᯬ᯲ᯄ᯦ᯉᯬ᯲ ᯇᯒᯬ᯲ᯞᯄ᯦᯲ ᯉᯪ ᯐᯂᯬᯋ, ᯘᯬᯅᯄ᯦ᯬ᯲ᯄ᯦ᯉᯬ᯲ ᯖᯉᯬ ᯔᯪᯘᯒᯪ᯲ ᯖᯞᯬ᯲ᯂᯘ᯲ ᯒᯬ ᯑᯪ ᯐᯬᯀᯒ᯲
11 Jadi dipillit si Lot ma di ibana sude angka luat humaliang Jordan, borhat ma ibana tungkan habinsaran. Asa sirang ma nasida na marsabutuha ᯐᯑᯪ ᯑᯪᯇᯞᯪ᯲ᯞᯖᯪ᯲ ᯘᯪ ᯞᯖᯬ᯲ ᯔ ᯑᯪ ᯤᯅᯉ ᯘᯮᯑᯩ ᯀᯰᯄ᯦ ᯞᯮᯀᯖ᯲ ᯂᯮᯔᯞᯪᯀᯉᯰ ᯐᯒᯬ᯲ᯑᯉ᯲, ᯅᯒᯬ᯲ᯂᯖ᯲ ᯔ ᯤᯅᯉ ᯖᯮᯰᯄ᯦ᯉ᯲ ᯂᯅᯉᯪ᯲ᯘᯒᯉ᯲. ᯀᯘ ᯘᯪᯒᯰ ᯔ ᯉᯘᯪᯑ ᯉ ᯔᯒ᯲ᯘᯅᯮᯖᯮᯂ
12 Si Abram maringan di tano Kanaan, ianggo si Lot maringan di angka huta ni luat i, jala dibahen undungundungna tolhas ro di Sodom. ᯀᯅ᯲ᯒᯔ᯲ ᯔᯒᯪᯝᯉ᯲ ᯑᯪ ᯖᯉᯬ ᯄ᯦ᯉᯀᯉ᯲. ᯤᯀᯰᯎᯬ ᯘᯪ ᯞᯖᯬ᯲ ᯔᯒᯪᯝᯉ᯲ ᯑᯪ ᯀᯰᯄ᯦ ᯂᯮᯖ ᯉᯪ ᯞᯮᯀᯖ᯲ ᯤ, ᯐᯞ ᯑᯪᯅᯂᯉᯩ᯲ ᯀᯉᯮ᯲ᯑᯮᯝᯉᯮ᯲ᯑᯮᯰ ᯉ ᯖᯞᯬ᯲ᯂᯘ᯲ ᯒᯬ ᯑᯪ ᯘᯬᯑᯔᯬ᯲
13 Alai halak na jahat jala pardosa situtu isi ni Sodom i maradophon Jahowa. ᯀᯞᯤ ᯂᯞᯄ᯦᯲ ᯉ ᯐᯂᯖ᯲ ᯐᯞ ᯇᯒ᯲ᯑᯬᯘ ᯘᯪᯖᯮᯖᯮ ᯤᯘᯪ ᯉᯪ ᯘᯬᯑᯔᯬ᯲ ᯤ
Diparata Debata bagabagana 14-18. ᯑᯪᯇᯒᯖ ᯑᯩᯅᯖ ᯅᯎᯅᯎᯉ ᯘᯔ᯲ᯇᯮᯞᯮ ᯀᯬᯇᯖ᯲ – ᯘᯔ᯲ᯇᯮᯞᯮ ᯥᯀᯞᯮ
III. 14 Jadi ninna Jahowa ma mandok si Abram, dung sirang si Lot i sian ibana: Ua tatap ma sian ingananmon dompak utara dohot dompak dangsina dohot dompak habinsaran dohot dompak hasundutan. ᯐᯑᯪ ᯉᯉᯪ᯲ᯉ ᯐᯂᯬᯋ ᯔ ᯔᯉ᯲ᯑᯄ᯦ᯬ᯲ ᯘᯪ ᯀᯅ᯲ᯒᯔ᯲, ᯑᯮᯰ ᯘᯪᯒᯰ ᯘᯪ ᯞᯖᯬ᯲ ᯤ ᯘᯪᯀᯉ᯲ ᯤᯅᯉ : ᯥᯀ ᯖᯖᯇ᯲ ᯔ ᯘᯪᯀᯉ᯲ ᯤᯝᯉᯉ᯲ᯔᯉᯬ᯲ ᯑᯔᯬ᯲ᯇᯄ᯦᯲ ᯥᯖᯒ ᯑᯬᯂᯖᯬ᯲ ᯑᯔᯬ᯲ᯇᯄ᯦᯲ ᯑᯰᯘᯪᯉ ᯑᯬᯂᯖᯬ᯲ ᯑᯔᯬ᯲ᯇᯄ᯦᯲ ᯂᯅᯉᯪ᯲ᯘᯒᯉ᯲ ᯑᯬᯂᯖᯬ᯲ ᯑᯔᯬ᯲ᯇᯄ᯦᯲ ᯂᯘᯉᯮ᯲ᯑᯮᯖᯉ᯲
15 Ai sandok tano na tinatapmi lehononku ma tu ho dohot tu pinomparmu ro di salelenglelengna. ᯀᯤ ᯘᯉ᯲ᯑᯄ᯦ᯬ᯲ ᯖᯉᯬ ᯉ ᯖᯪᯉᯖᯇ᯲ᯔᯪ ᯞᯩᯂᯬᯉᯉᯬ᯲ᯄ᯦ᯮ ᯔ ᯖᯮ ᯂᯬ ᯑᯬᯂᯖᯬ᯲ ᯖᯮ ᯇᯪᯉᯔᯬ᯲ᯇᯒ᯲ᯔᯮ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ
16 Jala bahenonku do pinomparmu sobokkon orbuk ni tano toropna, molo tung habilangan jolma orbuk ni tano on, habilangansa ma dohot pinomparmi. ᯐᯞ ᯅᯂᯩᯉᯉᯬ᯲ᯄ᯦ᯮ ᯑᯬ ᯇᯪᯉᯔᯬ᯲ᯇᯒ᯲ᯔᯮ ᯘᯬᯅᯄ᯦᯲ᯄ᯦ᯉᯬ᯲ ᯀᯒᯬ᯲ᯅᯄ᯦ᯮ᯲ ᯉᯪ ᯖᯉᯬ ᯖᯬᯒᯇᯬ᯲ᯉ, ᯔᯬᯞᯬ ᯖᯮᯰ ᯂᯅᯪᯞᯝᯉ᯲ ᯐᯞᯬ᯲ᯔ ᯀᯒᯬ᯲ᯅᯄ᯦ᯮ᯲ ᯉᯪ ᯖᯉᯬ ᯀᯉᯬ᯲, ᯂᯅᯪᯞᯝᯉ᯲ᯘ ᯔ ᯑᯬᯂᯖᯬ᯲ ᯇᯪᯉᯔᯬ᯲ᯇᯒ᯲ᯔᯪ
17 Borhat ma ho, liati ma tano i mangihuthon unjurna dohot bohangna, ai tu ho do lehononku. ᯅᯒᯬ᯲ᯂᯖ᯲ ᯔ ᯂᯬ, ᯞᯪᯀᯖᯪ ᯔ ᯖᯉᯬ ᯤ ᯔᯝᯪᯂᯖᯮ᯲ᯂᯉᯬ᯲ ᯀᯉᯮ᯲ᯐᯒᯮ᯲ᯉ ᯑᯬᯂᯖᯬ᯲ ᯅᯬᯂᯰᯉ, ᯀᯤ ᯖᯮ ᯂᯬ ᯑᯬ ᯞᯩᯂᯬᯉᯉᯬ᯲ᯄ᯦ᯮ
18 Jadi dipaunsat si Abram ma undungundungna laho ma ibana maringan tu tombak Mamre na di Hebron, jala dipajokkon disi sada langgatan di Jahowa. ᯐᯑᯪ ᯑᯪᯇᯀᯉᯮ᯲ᯘᯖ᯲ ᯘᯪ ᯀᯅ᯲ᯒᯔ᯲ ᯔ ᯀᯉᯮ᯲ᯑᯮᯰᯝᯉᯮ᯲ᯑᯮᯰᯉ ᯞᯂᯬ ᯔ ᯤᯅᯉ ᯔᯒᯪᯝᯉ᯲ ᯖᯮ ᯖᯔᯬ᯲ᯅᯄ᯦᯲ ᯔᯔ᯲ᯒᯩ ᯉ ᯑᯪ ᯂᯩᯅ᯲ᯒᯉᯬ᯲, ᯐᯞ ᯑᯪᯇᯐᯄ᯦ᯬ᯲ᯄ᯦ᯉᯬ᯲ ᯑᯪᯘᯪ ᯘᯑ ᯞᯰᯎᯎᯖᯉ᯲ ᯑᯪ ᯐᯂᯬᯋ