Roha jea ni angka sundut parjolo. Debata mangalumbahon toruna 1-8. ᯒᯬᯂ ᯐᯩᯀ ᯉᯪ ᯀᯰᯄ᯦ ᯘᯉᯮ᯲ᯑᯖᯮ᯲ ᯇᯒ᯲ᯐᯬᯞᯬ. ᯑᯩᯅᯖ ᯔᯝᯞᯔᯮ᯲ᯅᯂᯉᯬ᯲ ᯖᯬᯒᯮᯉ ᯘᯑ – ᯥᯀᯞᯮ
Pinompar ni si Noak 9-12. ᯇᯪᯉᯔᯬ᯲ᯇᯒ᯲ ᯉᯪ ᯘᯪ ᯉᯬᯀᯄ᯦᯲ ᯘᯪᯀ – ᯘᯔ᯲ᯇᯮᯞᯮ ᯑᯮᯀ
Si Noak paulihon parau, didokkon Debata, huhut marbagabaga tu ibana 13-22. ᯘᯪ ᯉᯬᯀᯄ᯦᯲ ᯇᯥᯞᯪᯂᯉᯬ᯲ ᯇᯒᯥ, ᯑᯪᯑᯄᯬ᯦᯲ᯄ᯦ᯉᯬ᯲ ᯑᯩᯅᯖ, ᯂᯮᯂᯖᯮ᯲ ᯔᯒ᯲ᯅᯎᯅᯎ ᯖᯮ ᯤᯅᯉ ᯘᯔ᯲ᯇᯮᯞᯮ ᯖᯬᯞᯮ – ᯑᯮᯀᯇᯮᯞᯮ ᯑᯮᯀ
Roha jea ni angka sundut parjolo. Debata mangalumbahon toruna 1-8. ᯒᯬᯂ ᯐᯩᯀ ᯉᯪ ᯀᯰᯄ᯦ ᯘᯉᯮ᯲ᯑᯖᯮ᯲ ᯇᯒ᯲ᯐᯬᯞᯬ. ᯑᯩᯅᯖ ᯔᯝᯞᯔᯮ᯲ᯅᯂᯉᯬ᯲ ᯖᯬᯒᯮᯉ ᯘᯑ – ᯥᯀᯞᯮ
I. 1 Jadi dung mamungka lam torop jolma i di tano on, jala tubuan boru nasida. ᯐᯑᯪ ᯑᯮᯰ ᯔᯔᯮᯰᯄ᯦ ᯞᯔ᯲ ᯖᯬᯒᯇᯬ᯲ ᯐᯞᯬ᯲ᯔ ᯤ ᯑᯪ ᯖᯉᯬ ᯀᯉᯬ᯲, ᯐᯞ ᯖᯮᯅᯮᯀᯉ᯲ ᯅᯬᯒᯮ ᯉᯘᯪᯑ
2 Diririt angka anak ni Debata ma boru ni jolma, ala na uli do nasida, jala dibuat bahen jolmanasida guru pamillitnasida. ᯑᯪᯒᯪᯒᯖᯪ᯲ ᯀᯉᯄ᯦᯲ ᯉᯪ ᯑᯩᯅᯖ ᯔ ᯅᯬᯒᯮ ᯉᯪ ᯐᯞᯬ᯲ᯔ, ᯀᯞ ᯉ ᯥᯞᯪ ᯑᯬ ᯉᯘᯪᯑ, ᯐᯞ ᯑᯪᯅᯮᯀᯖ᯲ ᯅᯂᯉᯩ᯲ ᯐᯞᯬ᯲ᯔᯉᯘᯪᯑ ᯎᯮᯒᯮ ᯇᯔᯞᯪ᯲ᯞᯖᯪ᯲ᯉᯘᯪᯑ
3 Jadi ninna Jahowa ma: Ndang be uhum on ni Tondingku jolma i di haliluonnasida, ai roha daging do ibana, jala saratus duapulu taon na ma umurna. ᯐᯑᯪ ᯉᯉᯪ᯲ᯉ ᯐᯂᯬᯋ ᯔ : ᯉ᯲ᯑᯰ ᯅᯩ ᯥᯂᯔᯮ᯲ ᯀᯉᯬ᯲ ᯉᯪ ᯖᯉᯬ᯲ᯑᯪᯰᯄ᯦ᯮ ᯐᯞᯬ᯲ᯔ ᯤ ᯑᯪ ᯂᯞᯪᯞᯮᯀᯉᯬ᯲ᯉᯘᯪᯑ. ᯀᯤ ᯒᯬᯂ ᯑᯎᯪᯰ ᯑᯬ ᯤᯅᯉ, ᯐᯞ ᯘᯒᯖᯘᯮ᯲ ᯑᯮᯀᯇᯮᯞᯮ ᯖᯀᯉᯬ᯲ ᯉ ᯔ ᯥᯔᯒᯮ᯲ᯉ
4 Adong ma uju i angka Nepilim (pandobo) di tano on. Ai dung ditopot angka anak ni Debata angka boru ni jolma, adong ma huhut tubunasida, i ma angka na begu, angka baoa na tarbarita sian na robi. ᯀᯑᯬᯰ ᯔ ᯥᯐᯮ ᯤ ᯀᯰᯄ᯦ ᯉᯩᯇᯪᯞᯔᯪ᯲ (ᯇᯉ᯲ᯑᯬᯅᯬ) ᯑᯪ ᯖᯉᯬ ᯀᯉᯬ᯲. ᯀᯤ ᯑᯮᯰ ᯑᯪᯖᯬᯇᯖᯬ᯲ ᯀᯰᯄ᯦ ᯀᯉᯄ᯦᯲ ᯉᯪ ᯑᯩᯅᯖ ᯀᯰᯄ᯦ ᯅᯬᯒᯮ ᯉᯪ ᯐᯞᯬ᯲ᯔ, ᯀᯑᯬᯰ ᯔ ᯂᯮᯂᯖᯮ᯲ ᯖᯮᯅᯮᯉᯘᯪᯑ, ᯤ ᯔ ᯀᯰᯄ᯦ ᯉ ᯅᯩᯎᯮ, ᯀᯰᯄ᯦ ᯅᯀᯬᯀ ᯉ ᯖᯒ᯲ᯅᯒᯪᯖ ᯘᯪᯀᯉ᯲ ᯉ ᯒᯬᯅᯪ
5 Alai dung diida Jahowa, nunga lam deak hajahaton ni jolma di tano on, jala sai na jat na ma sude tubutubu dohot pingkiran ni rohanasida gonop ari. ᯀᯞᯤ ᯑᯮᯰ ᯑᯪᯤᯑ ᯐᯂᯬᯋ, ᯉᯮᯝ ᯞᯔ᯲ ᯑᯩᯀᯄ᯦᯲ ᯂᯐᯂᯖᯉᯬ᯲ ᯉᯪ ᯐᯞᯬ᯲ᯔ ᯑᯪ ᯖᯉᯬ ᯀᯉᯬ᯲, ᯐᯞ ᯘᯤ ᯉ ᯐᯖ᯲ ᯉ ᯔ ᯘᯮᯑᯩ ᯖᯮᯅᯮᯖᯮᯅᯮ ᯑᯬᯂᯖᯬ᯲ ᯇᯪᯰᯄ᯦ᯪᯒᯉ᯲ ᯉᯪ ᯒᯬᯂᯉᯘᯪᯑ ᯎᯬᯉᯇᯬ᯲ ᯀᯒᯪ
6 Jadi disolsoli Jahowa ma rohana, ala tinompana i jolma di tano on, jala lungun rohana. ᯐᯑᯪ ᯑᯪᯘᯞᯬ᯲ᯘᯬᯞᯪ ᯐᯂᯬᯋ ᯔ ᯒᯬᯂᯉ, ᯀᯞ ᯖᯪᯉᯔᯬ᯲ᯇᯉ ᯤ ᯐᯞᯬ᯲ᯔ ᯑᯪ ᯖᯉᯬ ᯀᯉᯬ᯲, ᯐᯞ ᯞᯮᯝᯉᯮ᯲ ᯒᯬᯂᯉ
7 Dung i ninna Jahowa ma: Ripashononku ma sian tano on jolma na hutompa i, ro di pinahan dohot na manjirir, ro di pidong angka na martongatonga langit, ai nunga husolsoli bagingku ala na hutompa i nasida. ᯑᯮᯰ ᯤ ᯉᯉᯪ᯲ᯉ ᯐᯂᯬᯋ ᯔ : ᯒᯪᯇᯘ᯲ᯂᯬᯉᯉᯬ᯲ᯄ᯦ᯮ ᯔ ᯘᯪᯀᯉ᯲ ᯖᯉᯬ ᯀᯉᯬ᯲ ᯐᯞᯬ᯲ᯔ ᯉ ᯂᯮᯖᯔᯬ᯲ᯇ ᯤ, ᯒᯬ ᯑᯪ ᯇᯪᯉᯂᯉ᯲ ᯑᯬᯂᯖᯬ᯲ ᯉ ᯔᯉ᯲ᯐᯪᯒᯒᯪ᯲, ᯒᯬ ᯑᯪ ᯇᯪᯑᯬᯰ ᯀᯰᯄ᯦ ᯉ ᯔᯒ᯲ᯖᯬᯝᯖᯬᯝ ᯞᯝᯖᯪ᯲, ᯀᯤ ᯉᯮᯝ ᯂᯮᯘᯞᯬ᯲ᯘᯬᯞᯪ ᯅᯎᯪᯰᯄ᯦ᯮ ᯀᯞ ᯉ ᯂᯮᯖᯔᯬ᯲ᯇ ᯤ ᯉᯘᯪᯑ
8 Alai asi do roha ni Jahowa ianggo marnida si Noak. ᯀᯞᯤ ᯀᯘᯪ ᯑᯬ ᯒᯬᯂ ᯉᯪ ᯐᯂᯬᯋ ᯤᯀᯰᯎᯬ ᯔᯒ᯲ᯉᯪᯑ ᯘᯪ ᯉᯬᯀᯄ᯦᯲
Pinompar ni si Noak 9-12. ᯇᯪᯉᯔᯬ᯲ᯇᯒ᯲ ᯉᯪ ᯘᯪ ᯉᯬᯀᯄ᯦᯲ ᯘᯪᯀ – ᯘᯔ᯲ᯇᯮᯞᯮ ᯑᯮᯀ
II. 9 On ma pinompar ni si Noak: Jolma na bonar jala na daulat roha do si Noak i maradophon donganna magodang, sai marparange mardonganhon Debata do si Noak i. ᯀᯉᯬ᯲ ᯔ ᯇᯪᯉᯔᯬ᯲ᯇᯒ᯲ ᯉᯪ ᯘᯪ ᯉᯬᯀᯄ᯦᯲ : ᯐᯞᯬ᯲ᯔ ᯉ ᯅᯬᯉᯒ᯲ ᯐᯞ ᯉ ᯑᯥᯞᯖ᯲ ᯒᯬᯂ ᯑᯬ ᯘᯪ ᯉᯬᯀᯄ᯦᯲ ᯤ ᯔᯒᯑᯇᯬ᯲ᯂᯉᯬ᯲ ᯑᯬᯝᯉ᯲ᯉ ᯔᯎᯬᯑᯰ, ᯘᯤ ᯔᯒ᯲ᯇᯒᯝᯩ ᯔᯒ᯲ᯑᯬᯝᯉ᯲ᯂᯉᯬ᯲ ᯑᯩᯅᯖ ᯑᯬ ᯘᯪ ᯉᯬᯀᯄ᯦᯲ ᯤ
10 Dung i ditubuhon si Noak ma anak tolu, si Sem, si Ham dohot si Japet. ᯑᯮᯰ ᯤ ᯑᯪᯖᯮᯅᯮᯂᯉᯬ᯲ ᯘᯪ ᯉᯬᯀᯄ᯦᯲ ᯔ ᯀᯉᯄ᯦᯲ ᯖᯬᯞᯮ, ᯘᯪ ᯘᯔᯩ᯲, ᯘᯪ ᯂᯔ᯲. ᯑᯬᯂᯖᯬ᯲ ᯘᯪ ᯐᯇᯖᯩ᯲
11 Alai nunga marjea ianggo tano i maradophon Debata, jala nunga gok hajahaton tano i. ᯀᯞᯤ ᯉᯮᯝ ᯔᯒ᯲ᯐᯩᯀ ᯤᯀᯰᯎᯬ ᯖᯉᯬ ᯤ ᯔᯒᯑᯇᯬ᯲ᯂᯉᯬ᯲ ᯑᯩᯅᯖ, ᯐᯞ ᯉᯮᯝ ᯎᯄ᯦ᯬ᯲ ᯂᯐᯂᯖᯉᯬ᯲ ᯖᯉᯬ ᯤ
12 Dung i ditingkir Debata ma tano i, jala ida ma, nunga marjea: Ai tung saluhut na mardaging paroa pangalahona di tano i. ᯑᯮᯰ ᯤ ᯑᯪᯖᯪᯰᯄ᯦ᯒᯪ᯲ ᯑᯩᯅᯖ ᯔ ᯖᯉᯬ ᯤ, ᯐᯞ ᯤᯑ ᯔ, ᯉᯮᯝ ᯔᯒ᯲ᯐᯩᯀ : ᯀᯤ ᯖᯮᯰ ᯘᯞᯮᯂᯖᯮ᯲ ᯉ ᯔᯒ᯲ᯑᯎᯪᯰ ᯇᯒᯬᯀ ᯇᯝᯞᯂᯬᯉ ᯑᯪ ᯖᯉᯬ ᯤ
Si Noak paulihon parau, didokkon Debata, huhut marbagabaga tu ibana 13-22. ᯘᯪ ᯉᯬᯀᯄ᯦᯲ ᯇᯥᯞᯪᯂᯉᯬ᯲ ᯇᯒᯥ, ᯑᯪᯑᯄᯬ᯦᯲ᯄ᯦ᯉᯬ᯲ ᯑᯩᯅᯖ, ᯂᯮᯂᯖᯮ᯲ ᯔᯒ᯲ᯅᯎᯅᯎ ᯖᯮ ᯤᯅᯉ ᯘᯔ᯲ᯇᯮᯞᯮ ᯖᯬᯞᯮ – ᯑᯮᯀᯇᯮᯞᯮ ᯑᯮᯀ
III. 13 Jadi ninna Debata ma tu si Noak: Nunga ro ajal ni nasa na mardaging maradophon Ahu, ai nunga gok hajahaton tano on dibahen nasida. Onpe ripashononku ma nasida rap dohot tano on. ᯐᯑᯪ ᯉᯉᯪ᯲ᯉ ᯑᯩᯅᯖ ᯔ ᯖᯮ ᯘᯪ ᯉᯬᯀᯄ᯦᯲ : ᯉᯮᯝ ᯒᯬ ᯀᯐᯞ᯲ ᯉᯪ ᯉᯘ ᯉ ᯔᯒ᯲ᯑᯎᯪᯰ ᯔᯒᯑᯇᯬ᯲ᯂᯉᯬ᯲ ᯀᯂᯮ, ᯀᯤ ᯉᯮᯝ ᯎᯄ᯦ᯬ᯲ ᯂᯐᯂᯖᯉᯬ᯲ ᯖᯉᯬ ᯀᯉᯬ᯲ ᯑᯪᯅᯂᯉᯩ᯲ ᯉᯘᯪᯑ. ᯀᯉᯬ᯲ᯇᯩ ᯒᯪᯇᯘ᯲ᯂᯬᯉᯉᯬ᯲ᯄ᯦ᯮ ᯔ ᯉᯘᯪᯑ ᯒᯇ᯲ ᯑᯬᯂᯖᯬ᯲ ᯖᯉᯬ ᯀᯉᯬ᯲
14 Bahen ma di ho sada parau sian hau goper (marantibane), bahen ma marbilut parau i jala puli sian bagasan dohot sian balian. ᯅᯂᯉᯩ᯲ ᯔ ᯑᯪ ᯂᯬ ᯘᯑ ᯇᯒᯥ ᯘᯪᯀᯉ᯲ ᯂᯥ ᯎᯬᯇᯒᯩ᯲ (ᯔᯒᯉ᯲ᯖᯪᯅᯉᯩ), ᯅᯂᯉᯩ᯲ ᯔ ᯔᯒ᯲ᯅᯪᯞᯖᯮ᯲ ᯇᯒᯥ ᯤ ᯐᯞ ᯇᯮᯞᯪ ᯘᯪᯀᯉ᯲ ᯅᯎᯘᯉ᯲ ᯑᯬᯂᯖᯬ᯲ ᯘᯪᯀᯉ᯲ ᯅᯞᯪᯀᯉ᯲
15 Songon on ma singana bahenonmu: Tolu ratus elak unjur ni parau i, limapulu elak bohangna, jala tolupulu elak timbona ᯘᯬᯝᯉᯬ᯲ ᯀᯉᯬ᯲ ᯔ ᯘᯪᯝᯉ ᯅᯂᯩᯉᯉᯬ᯲ᯔᯮ : ᯖᯬᯞᯮ ᯒᯖᯘᯮ᯲ ᯀᯩᯞᯄ᯦᯲ ᯀᯉᯮ᯲ᯐᯒᯮ᯲ ᯉᯪ ᯇᯒᯥ ᯤ, ᯞᯪᯔᯇᯮᯞᯮ ᯀᯩᯞᯄ᯦᯲ ᯅᯬᯂᯰᯉ, ᯐᯞ ᯖᯬᯞᯮᯇᯮᯞᯮ ᯀᯩᯞᯄ᯦᯲ ᯖᯔᯪ᯲ᯅᯬᯉ
16 Bahen tartungkan ginjang sada pandiloan ni parau i, saelak timbona: Alai anggo pintu ni parau i tu lambungna bahen, jala tolu lampis bilutna bahen, sada di toru, sada di tongatonga, jala sada di ginjang. ᯅᯂᯉᯩ᯲ ᯖᯒ᯲ᯖᯮᯰᯄ᯦ᯉ᯲ ᯎᯉᯪ᯲ᯐᯰ ᯘᯑ ᯇᯉ᯲ᯑᯪᯞᯬᯀᯉ᯲ ᯉᯪ ᯇᯒᯥ ᯤ, ᯘᯀᯩᯞᯄ᯦᯲ ᯖᯔᯪ᯲ᯅᯬᯉ : ᯀᯞᯤ ᯀᯰᯎᯬ ᯇᯉᯪ᯲ᯖᯮ ᯉᯪ ᯇᯒᯥ ᯤ ᯖᯮ ᯞᯔ᯲ᯅᯮᯰᯉ ᯅᯂᯉᯩ᯲, ᯐᯞ ᯖᯬᯞᯮ ᯞᯔ᯲ᯇᯘᯪ᯲ ᯅᯪᯞᯖᯮ᯲ᯉ ᯅᯂᯉᯩ᯲, ᯘᯑ ᯑᯪ ᯖᯬᯒᯮ, ᯘᯑ ᯑᯪ ᯖᯬᯝᯖᯬᯝ, ᯐᯞ ᯘᯑ ᯑᯪ ᯎᯉᯪ᯲ᯐᯰ
17 Ai ida, paroonku ma tu tano on aek na sumar laho mangaripashon nasa na mardaging, na marhosa hangoluan di bagasan, angka na di toru ni langit, asa tos hosa ni saluhut na di tano on. ᯀᯤ ᯤᯑ, ᯇᯒᯬᯀᯉᯬ᯲ᯄ᯦ᯮ ᯔ ᯖᯮ ᯖᯉᯬ ᯀᯉᯬ᯲ ᯀᯀᯄᯩ᯦᯲ ᯉ ᯘᯮᯔᯒ᯲ ᯞᯂᯬ ᯔᯝᯒᯪᯇᯘ᯲ᯂᯉᯬ᯲ ᯉᯘ ᯉ ᯔᯒ᯲ᯑᯎᯪᯰ, ᯉ ᯔᯒ᯲ᯂᯬᯘ ᯂᯝᯬᯞᯮᯀᯉ᯲ ᯑᯪ ᯅᯎᯘᯉ᯲, ᯀᯰᯄ᯦ ᯉ ᯑᯪ ᯖᯬᯒᯮ ᯉᯪ ᯞᯝᯖᯪ᯲, ᯀᯘ ᯖᯘᯬ᯲ ᯂᯬᯘ ᯉᯪ ᯘᯞᯮᯂᯖᯮ᯲ ᯉ ᯑᯪ ᯖᯉᯬ ᯀᯉᯬ᯲
18 Alai pajongjongonku ma padanhu dohot ho, bongotanmu ma parau i, ho dohot angka anakmu dohot jolmam dohot jolma ni angka anakmi rap dohot ho. ᯀᯞᯤ ᯇᯐᯬᯰᯐᯬᯝᯉᯬ᯲ᯄ᯦ᯮ ᯔ ᯇᯑᯉ᯲ᯂᯮ ᯑᯬᯂᯖᯬ᯲ ᯂᯬ, ᯅᯬᯝᯬᯖᯉ᯲ᯔᯮ ᯔ ᯇᯒᯥ ᯤ, ᯂᯬ ᯑᯬᯂᯖᯬ᯲ ᯀᯰᯄ᯦ ᯀᯉᯄ᯦᯲ᯔᯮ ᯑᯬᯂᯖᯬ᯲ ᯐᯞᯬ᯲ᯔᯔ᯲ ᯑᯬᯂᯖᯬ᯲ ᯐᯞᯬ᯲ᯔ ᯉᯪ ᯀᯰᯄ᯦ ᯀᯉᯄ᯦᯲ᯔᯪ ᯒᯇ᯲ ᯑᯬᯂᯖᯬ᯲ ᯂᯬ
19 Jala pamasuk ma tu bagasan parau i sapasang be sian nasa na mangolu, sian nasa na mardaging, tunggal dohot boruboru, asa mangolu rap dohot ho. ᯐᯞ ᯇᯔᯘᯄ᯦ᯮ᯲ ᯔ ᯖᯮ ᯅᯎᯘᯉ᯲ ᯇᯒᯥ ᯤ ᯘᯇᯘᯰ ᯅᯩ ᯘᯪᯀᯉ᯲ ᯉᯘ ᯉ ᯔᯝᯬᯞᯮ, ᯘᯪᯀᯉ᯲ ᯉᯘ ᯉ ᯔᯒ᯲ᯑᯎᯪᯰ, ᯖᯮᯰᯎᯞ᯲ ᯑᯬᯂᯖᯬ᯲ ᯅᯬᯒᯮᯅᯬᯒᯮ, ᯀᯘ ᯔᯝᯬᯞᯮ ᯒᯇ᯲ ᯑᯬᯂᯖᯬ᯲ ᯂᯬ
20 Sian pidong masiboan mansamna, sian pinahan pe masiboan mansamna, sian nasa na manjirir di tano i, masiboan mansamna; sapasang be sian luhutna ro tu ho, asa mangolu ᯘᯪᯀᯉ᯲ ᯇᯪᯑᯬᯰ ᯔᯘᯪᯅᯬᯀᯉ᯲ ᯔᯉ᯲ᯘᯔ᯲ᯉ, ᯘᯪᯀᯉ᯲ ᯇᯪᯉᯂᯉ᯲ ᯇᯩ ᯔᯉ᯲ᯘᯪᯅᯬᯀᯉ᯲ ᯔᯉ᯲ᯘᯔ᯲ᯉ, ᯘᯪᯀᯉ᯲ ᯉᯘ ᯉ ᯔᯉ᯲ᯐᯪᯒᯒᯪ᯲ ᯑᯪ ᯖᯉᯬ ᯤ, ᯔᯘᯪᯅᯬᯀᯉ᯲ ᯔᯉ᯲ᯘᯔ᯲ᯉ ; ᯘᯇᯘᯰ ᯅᯩ ᯘᯪᯀᯉ᯲ ᯞᯮᯂᯖᯮ᯲ᯉ ᯒᯬ ᯖᯮ ᯂᯬ, ᯀᯘ ᯔᯝᯬᯞᯮ
21 Alai buat di ho sian nasa sipanganon, angka na tarpangan, jala papungu tu ho bahen bohalmu dohot bohalnasida. ᯀᯞᯤ ᯅᯮᯀᯖ᯲ ᯑᯪ ᯂᯬ ᯘᯪᯀᯉ᯲ ᯉᯘ ᯘᯪᯇᯝᯉᯉᯬ᯲ ᯀᯰᯄ᯦ ᯉ ᯖᯒ᯲ᯇᯝᯉ᯲, ᯐᯞ ᯇᯇᯮᯝᯮ ᯖᯮ ᯂᯬ ᯅᯂᯉᯩ᯲ ᯅᯬᯂᯞ᯲ᯔᯮ ᯑᯬᯂᯖᯬ᯲ ᯅᯬᯂᯞ᯲ᯉᯘᯪᯑ
22 Dung i dibahen si Noak ma sude, songon na tinonahon ni Debata tu ibana, songon i dibahen. ᯑᯮᯰ ᯤ ᯑᯪᯅᯂᯉᯩ᯲ ᯘᯪ ᯉᯬᯀᯄ᯦᯲ ᯔ ᯘᯮᯑᯩ, ᯘᯬᯝᯉᯬ᯲ ᯉ ᯖᯪᯉᯬᯉᯂᯉᯬ᯲ ᯉᯪ ᯑᯩᯅᯖ ᯖᯮ ᯤᯅᯉ, ᯘᯬᯝᯉᯬ᯲ ᯤ ᯑᯪᯅᯂᯉᯩ᯲