ᯀᯔᯮ᯲ᯇᯔ ᯘᯪᯀᯉ᯲ ᯂᯖ ᯅᯬᯉ ᯉ ᯔᯒ᯲ᯔᯮᯞ ᯀ
ᯔᯬᯞᯬ ᯀᯔᯮ᯲ᯇᯔ ᯑᯪᯑᯄ᯦ᯬ᯲ ᯔ ᯤ ᯖᯮᯑᯬᯘᯉ᯲. ᯖᯰᯮ ᯔᯉ᯲ᯘᯤ ᯎᯬᯑᯰ ᯑᯬ ᯀᯔᯮ᯲ᯇᯔ ᯉᯪ ᯂᯞᯄ᯦᯲ ᯅᯖᯄ᯦᯲ molo umpama didok ma i tudosan. Tung mansai godang do umpama ni halak batak.
ᯀᯔᯮ᯲ᯇᯔ ᯔᯝᯪᯂᯖᯮ᯲ᯂᯉᯬ᯲ ᯂᯖ ᯅᯬᯉ ; ᯀᯅᯘ᯲, ᯀᯅᯞᯮ᯲, ᯀᯑᯪᯀᯉ᯲, ᯀᯑᯇᯬ᯲ ᯀᯀᯄᯩ᯦᯲
ᯔᯖᯩ ᯥᯞᯮᯉ ᯔᯝᯅᯘᯪ ᯤᯂᯒᯮ᯲ᯉ Mate uluna, mangabasi ihurna.
ᯔᯖ ᯀᯅᯞᯮ᯲ ᯉᯪ ᯔᯖ Mata abul ni mata
ᯀᯉᯪ᯲ᯑᯰ ᯂᯥᯞᯂᯉ᯲ ᯘᯬᯝᯉᯬ᯲ ᯉ ᯖᯑᯰᯪ ᯑᯪ ᯀᯑᯪᯀᯉ᯲ Ndang haulahan songon na tading di adian
ᯔᯒ᯲ᯖᯉ᯲ᯑ ᯘᯬᯝᯉᯬ᯲ ᯀᯑᯪᯀᯉ᯲ Martanda songon adian
ᯖᯎᯬᯉᯉ᯲ ᯑᯬ ᯔᯝᯑᯇᯬ᯲ ᯑᯪ ᯐᯞᯬ᯲ᯔ ᯥᯉᯰ ᯔᯝᯑᯇᯬ᯲ ᯑᯪ ᯅᯩᯎᯮ Tagonan do mangadop di jolma, unang mangadop di begu
ᯀᯀᯄᯩ᯦᯲ ᯎᯬᯑᯰ ᯑᯬ ᯀᯀᯄᯩ᯦᯲ ᯞᯀᯖᯮ᯲ ᯑᯘᯬ᯲ ᯉᯪ ᯒᯬᯂ ᯑᯬ ᯘᯪᯅᯂᯉᯩ᯲ ᯉ ᯘᯀᯖᯮ᯲ Aek godang do aek !aut, dos ni roha do sibahen na saut.
ᯖᯔ᯲ᯇᯮᯞᯉᯬ᯲ ᯀᯀᯂᯩ᯦᯲ ᯑᯬ ᯉ ᯔᯒ᯲ᯘᯅᯮᯖᯮᯂ Tampulon aek do na marsabutuha
ᯔᯬᯞᯬ ᯞᯪᯖᯄ᯦ᯬ᯲ ᯀᯀᯄᯩ᯦᯲ ᯑᯇᯬᯖᯉ᯲ ᯔ ᯇᯉ᯲ᯑᯮᯒᯰᯮ Molo litok aek, dapotan ma pandurung
ᯔᯬᯞᯬ ᯂᯬᯔᯒᯮ᯲ ᯀᯀᯄ᯦ᯩ᯲ ᯑᯇᯬᯖᯉ᯲ ᯔ ᯇᯉ᯲ᯑᯮᯒᯰᯮ Molo homur aek, dapotan ma pandurung
ᯔᯬᯞᯬ ᯞᯪᯖᯄ᯦ᯬ᯲ ᯀᯀᯄ᯦ᯩ᯲ ᯑᯪ ᯖᯬᯒᯮᯀᯉ᯲ ᯖᯰᯪᯄ᯦ᯪᯒᯉᯬ᯲ ᯔ ᯖᯮ ᯐᯮᯞᯮ Molo litok aek di toruan, tingkiron rna di julu.
ᯔᯖᯩ᯲ᯔᯖᯩ᯲ ᯀᯀᯄ᯦ᯩ᯲ᯉ ᯔᯖᯩ᯲ᯔᯖᯩ᯲ ᯑᯰᯩᯄ᯦ᯩᯉ ᯅᯞ᯲ᯎ ᯀᯀᯄ᯦ᯩ᯲ᯉ ᯅᯞ᯲ᯎ ᯑ᯦ᯩ᯲ᯄ᯦ᯩᯉ Metmet aekna metmet dengkena, balga aekna balga dengkena
ᯀᯀᯄ᯦ᯩ᯲ ᯘᯬ ᯂᯮᯔᯞ᯲ᯘᯄ᯦ᯮ᯲ ᯒᯪ ᯘᯬ ᯂᯮᯔᯪᯒᯘᯪ᯲ Aek so humalsuk, ri so humaras
ᯀᯉᯪ᯲ᯑᯰ ᯞᯬᯐ ᯀᯀᯄ᯦ᯩ᯲ ᯇᯤᯂᯖᯮ᯲ᯤᯂᯖᯮ᯲ ᯒᯮᯒ Ndang loja aek paihut-ihut rura
ᯘᯪ ᯘᯬᯅᯒᯮ᯲ ᯀᯀᯄ᯦ᯩ᯲ ᯘᯘᯮᯝᯩ Sisobur aek sasunge
ᯇᯖᯪᯀᯇᯬ᯲ᯖᯪᯀᯇᯬ᯲ ᯀᯀᯄ᯦ᯩ᯲ ᯑᯪ ᯅᯮᯞᯰᯮ ᯘᯮᯂᯖ᯲ Patiop-tiop aek di bulung suhat
ᯀᯀᯄ᯦ᯩ᯲ ᯑᯪ ᯂᯪᯀᯰᯬᯂᯪᯀᯰᯬ ᯖᯮ ᯀᯀᯄ᯦ᯩ᯲ ᯑᯪ ᯖᯅᯮᯖᯅᯮ ᯂᯒᯬᯀᯉ᯲ ᯔ ᯑᯪ ᯘᯮᯂᯖᯮ᯲ ᯇᯒ᯲ᯂᯰᯄ᯦ᯮᯝᯉ᯲ ᯔ ᯑᯪ ᯑᯖᯮ aek di hiong-hiong tu aek di tabu-tabu, haroan ma di suhut parhangkungan ma di datu
ᯞᯂᯬ ᯇᯒ᯲ᯖᯮᯀᯀᯄ᯦ᯩ᯲ ᯔᯘᯪᯂᯉᯮ᯲ᯖᯪ ᯂᯮᯑᯉᯬ᯲ᯉ. ᯔᯬᯞᯬ ᯑᯰᯮ ᯘᯪᯑᯰᯮ ᯂᯖ ᯑᯪ ᯉ ᯖᯞᯮ ᯔ ᯔᯬᯂᯇᯬ᯲ᯉ laho patuaek masihunti hudonna. Molo dung sidung hata di na talu ma mohopna
ᯀᯀᯄ᯦ᯩ᯲ ᯉᯪ ᯘᯪᯇᯞᯪᯖᯰᯮ ᯖᯪᯉᯔᯮ᯲ᯇᯄ᯦ᯩ᯲ ᯉᯪ ᯅᯬᯒᯮ ᯀᯰᯄ᯦ᯬᯞ. ᯘᯪᯀᯉ᯲ ᯔᯖ ᯔᯒᯅᯮᯒᯉ᯲ ᯤᯞᯮ ᯑᯪᯅᯂᯉᯩ᯲ ᯂᯅᯖᯬ᯲ ᯉᯪ ᯒᯬᯂ aek ni sipalitung tinumpak ni boru angkola. Sian maya maraburan ilu dibahen habot ni roha
ᯀᯀᯄ᯦ᯩ᯲ ᯉ ᯔᯉᯉᯮ᯲ᯖᯉᯮ᯲ ᯎᯬᯎᯬᯉ ᯀᯞᯬᯎᯬ ᯉ ᯔᯉᯉᯮ᯲ᯖᯉᯮ᯲ ᯎᯬᯖᯘᯬ᯲ᯉ aek na manuntun gogona alogo na manuntun gotosna
ᯀᯀᯄ᯦ᯩ᯲ ᯉ ᯔᯒ᯲ᯂᯞᯪᯘᯰᯮ ᯔᯅᯀᯒᯬ᯲ ᯖᯮ ᯀᯰᯄ᯦ᯬᯞ. ᯖᯪᯉᯬᯎᯮᯖᯬᯎᯮ ᯉᯪ ᯇᯞᯪᯖᯮ ᯑᯰ ᯞᯮᯇ ᯘᯪᯀᯉ᯲ ᯒᯬᯂ aek na marhalisung mabaor tu angkola. Tinogutogu ni palitu dang lupa sian roha
ᯀᯀᯄ᯦ᯩ᯲ ᯉ ᯔᯒ᯲ᯂᯞᯪᯘᯰᯮ ᯖᯮ ᯀᯀᯄ᯦ᯩ᯲ ᯉ ᯔᯒ᯲ᯂᯖᯬᯅᯰᯮ ᯀᯞ ᯉᯪ ᯇᯞᯪᯞᯰᯮ ᯑᯰ ᯉᯪᯤᯝᯖᯬ᯲ ᯉ ᯖᯒ᯲ᯐᯬᯅᯰᯮ aek na marhalisung tu aek na marhatobung, ala ni paliling dang niingot na tarjobung
ᯀᯀᯄ᯦ᯩ᯲ ᯉ ᯎᯬᯎᯬ ᯀᯀᯄ᯦ᯩ᯲ ᯉ ᯂᯪᯉᯔᯬ᯲ᯅᯖ᯲ aek na gogo aek na hinombat
ᯔᯝᯞᯮᯞᯮᯤ ᯀᯀᯄ᯦ᯩ᯲ ᯉ ᯖᯪᯀᯬ ᯘᯬᯝᯉᯬ᯲ ᯘᯮᯞᯔᯮ᯲ mangalului aek na tio songon sulum
ᯀᯉᯪ᯲ᯑᯰ ᯅᯮᯒᯪᯀᯉ᯲ ᯀᯀᯄ᯦ᯩ᯲ ᯞᯇᯪᯂᯉ᯲ ᯅᯮᯞᯰᯮ indang burian aek lapihan bulung
ᯘᯪᯞᯉ᯲ᯞᯉ᯲ ᯀᯀᯄ᯦ᯩ᯲ ᯖᯬᯅ silanlan aek toba
ᯀᯔᯮ᯲ᯇᯔ ᯘᯪᯀᯉ᯲ ᯂᯖ ᯅᯬᯉ ; ᯀᯎᯖ᯲ ᯀᯂᯖᯮ᯲ ᯀᯀᯘᯪ᯲ ᯀᯀᯖᯪ᯲ ᯀᯔᯄ᯦᯲ ᯀᯔ᯲ᯅᯒᯬᯅ ᯀᯔ᯲ᯅᯘᯰ
ᯇᯝᯮᯞᯥᯞ ᯘᯬ ᯔᯝᯉ᯲ ᯇᯒᯎᯖ᯲ᯀᯎᯖ᯲ ᯘᯬ ᯔᯪᯉᯔᯮ᯲ pangulaula so mangan paragatagat so minum
ᯀᯉᯪ᯲ᯑᯑ ᯀᯂᯖᯮ᯲ ᯘᯪᯅᯂᯉᯩ᯲ ᯉ ᯎᯬᯑᯰ ᯐᯔᯬ᯲ᯇᯖᯮ᯲ ᯘᯪᯅᯂᯉᯩ᯲ ᯉ ᯀᯬᯖᯄ᯦ᯪ᯲ indada ahut sibahen na godang jomput sibahen na otik
ᯔᯝᯂᯖᯮ᯲ ᯑᯪ ᯀᯒᯪ᯲ᯑᯝᯉᯬ᯲ ᯔᯉᯪᯖᯪ ᯑᯪ ᯒᯅᯪᯀᯉᯬ᯲ mangahut di irdangon maniti di rabion
ᯀᯀᯘᯪ᯲ ᯔ ᯑᯪ ᯅᯅᯪ ᯔᯉᯮ᯲ᯑᯞ ᯔ ᯑᯪ ᯂᯒᯬ᯲ᯅᯬ ᯖᯒ᯲ᯇᯘᯪᯀᯖ᯲ ᯔ ᯀᯒᯪᯀᯒᯪ ᯔᯬᯞᯬ ᯀᯑᯰᯬ ᯞᯎᯮ ᯐᯮᯔᯬᯞᯬ ais ma di babi mundala ma di horbo, tarpasiat ma ariari molo adong lagu jumolo
ᯀᯉᯪ᯲ᯑᯰ ᯖᯒᯀᯖᯪ᯲ᯂᯉᯬ᯲ ᯖᯮᯔᯎᯬᯉᯉ᯲ ᯔ ᯇᯪᯉᯰᯬᯎᯞᯬ᯲ᯂᯉᯬ᯲ indang taraithon tumagonan ma pinonggolhon
ᯞᯀᯘᯪ᯲ ᯔᯒᯮᯞᯮ ᯑᯬ ᯀᯞᯀᯉ᯲ lais marulu do alaan
ᯉ ᯔᯞᯪᯀᯞᯪ ᯑᯪ ᯂᯉ᯲ᯑᯰ na maliali di handang
ᯔᯝᯀᯖᯪ᯲ ᯘᯬᯝᯉᯬ᯲ ᯤᯂᯒᯮ᯲ ᯉᯪ ᯀᯔ᯲ᯅᯞᯰ mangait songon ihur ni ambalang
ᯀᯔᯄ᯦᯲ ᯑᯬ ᯒᯩᯒᯩ ᯑᯰᯄ᯦ ᯑᯬ ᯑᯮᯇᯰ ᯀᯉᯄ᯦᯲ ᯑᯬ ᯅᯩᯒᯩ ᯀᯔᯰ ᯑᯬ ᯖᯮᯞᯰ amak do rere dangka do dupang, anak do bere amang do tulang
ᯇᯒᯔᯄ᯦᯲ ᯘᯬ ᯅᯞᯮᯉᯉᯬ᯲ paramak so balunon
ᯂᯅᯰ ᯔ ᯀᯔ᯲ᯅᯒᯬᯅ ᯇᯤᯂᯖᯮ᯲ᯤᯂᯖᯮ᯲ ᯒᯮᯒ ᯂᯖ ᯉ ᯉᯪᯑᯄ᯦ᯬ᯲ ᯘᯪᯖᯰᯬᯄ᯦ ᯔᯮᯅᯥᯅ habang ma ambaroba paihutihut rura, hata na nidok sitongka mubauba
ᯘᯪᯅᯪᯎᯬ ᯀᯔ᯲ᯅᯒᯬᯅ ᯒᯒ ᯂᯮᯞᯰᯪᯂᯮᯞᯰᯪᯉ ᯉ ᯥᯞᯪ ᯑᯬ ᯉ ᯒᯬᯀ ᯔᯬᯞᯬ ᯘᯀᯒᯬ᯲ ᯇᯰᯄ᯦ᯮᯞᯰᯪᯉ sibigo ambaroba rara hulinghulingna, na uli do na roa molo saor pangkulingna
ᯘᯬᯝᯉᯬ᯲ ᯀᯔ᯲ᯅᯘᯰ ᯞᯩᯔᯘᯩ᯲ ᯑᯪ ᯒᯮᯀᯒ᯲ ᯔᯒᯒᯮᯔᯘ᯲ ᯑᯪ ᯅᯎᯘᯉ᯲ songon ambasang lemes di ruar mararumas di bagasan
ᯀᯔᯮ᯲ᯇᯔ ᯘᯪᯀᯉ᯲ ᯂᯖ ᯅᯬᯉ ᯀᯔ᯲ᯅᯩ ᯀᯔ᯲ᯅᯞᯪ᯲ ᯀᯔ᯲ᯅᯒᯪ᯲ ᯀᯔ᯲ᯅᯒᯮ᯲ ᯀᯔᯉᯪ᯲ ᯀᯔ᯲ᯇᯰ ᯀᯔ᯲ᯇᯇᯎ ᯀᯔ᯲ᯇᯩ ᯀᯔ᯲ᯇᯬᯒᯄ᯦ᯪ᯲
ᯀᯉᯪ᯲ᯑᯰ ᯖᯒ᯲ᯇᯘᯮᯔᯉ᯲ ᯇᯝᯔ᯲ᯅᯩ ᯉᯪ ᯇᯒᯬᯉᯉ᯲. ᯀᯉᯪ᯲ᯑᯰ ᯖᯒ᯲ᯇᯘᯮᯔᯉ᯲ ᯉ ᯅᯪᯉᯂᯉᯩ᯲ ᯉᯪ ᯑᯬᯝᯉ᯲ indang tarpasuman pangambe ni paronan. indang tarpasuman na binahen ni dongan
ᯀᯉᯪ᯲ᯑᯰ ᯑᯪᯀᯔ᯲ᯅᯞᯪ᯲ ᯂᯬ ᯅᯩ ᯀᯂᯮ ᯉᯰᯎᯬ ᯘᯀᯔᯪ᯲ᯇᯖᯮ᯲ ᯉᯪ ᯅᯪᯘ indang diambil ho be ahu nanggo saimput ni bisa
ᯔᯔ᯲ᯅᯒᯪ᯲ ᯑᯰᯩᯑᯰᯩ ᯘᯰᯮᯄ᯦ᯖᯬ᯲ ᯎᯬᯎᯬ mambir dengdeng sungkot gogo
ᯞᯰᯄ᯦ᯪᯖᯰ ᯎᯅᯩ ᯂᯇᯒᯮ᯲ ᯉ ᯂᯪᯉᯪᯞᯰ ᯎᯅᯩ ᯔᯔ᯲ᯅᯒᯮ᯲ langkitang gabe hapur na hinilang gabe mambur
ᯔᯘᯪᯀᯔᯉᯪ᯲ᯀᯔᯪᯉᯉ᯲ ᯘᯬᯝᯉᯬ᯲ ᯞᯔ᯲ᯇᯄ᯦᯲ ᯉᯪ ᯎᯀᯞᯬ᯲ masiaminaminan songon lampak ni gaol
ᯀᯔ᯲ᯇᯞ᯲ ᯖᯮ ᯐᯀᯩ ᯀᯔ᯲ᯇᯞ᯲ ᯖᯮ ᯐᯮᯞᯮ ampal tu jae ampal tu julu
ᯉ ᯔᯒᯔ᯲ᯇᯰ ᯉ ᯔᯒ᯲ᯐᯮᯀᯞ᯲ na marampang na marjual
ᯘᯔ᯲ᯇᯰ ᯎᯬᯎᯬ ᯘᯉ᯲ᯐᯔᯬ᯲ᯇᯖᯮ᯲ ᯖᯮᯀ sampang gogo sanjomput tua
ᯀᯔ᯲ᯇᯇᯎ ᯑᯬᯞᯄ᯦ᯬ᯲ ᯀᯔ᯲ᯇᯇᯎ ᯘᯪᯅᯮᯞᯮᯀᯉ᯲. ᯥᯉᯰ ᯂᯪᯖ ᯔᯒ᯲ᯅᯑ ᯀᯤ ᯂᯪᯖ ᯑᯬ ᯔᯒ᯲ᯘᯬᯎᯖᯬ᯲ ᯂᯪᯖ ᯂᯑᯮᯀᯉ᯲ ampapaga dolok ampapaga sibuluan. Unang hita marbada ai hita do marsogot hita haduan
ᯀᯔ᯲ᯇᯩ ᯑᯪ ᯘᯔ᯲ᯅᯮᯅᯮ ᯖᯮᯀᯄ᯦᯲ ᯑᯪ ᯀᯅᯒ ampe di sambubu tuak di abara
ᯅᯮᯞᯮᯘᯉ᯲ ᯑᯪᯇᯝᯉ᯲ ᯇᯮᯒᯒᯮ᯲ ᯥᯉᯰ ᯑᯪᯇᯝᯉ᯲ ᯀᯔ᯲ᯇᯬᯒᯄ᯦ᯪ᯲ bulusan dipangan purur unang dipangan amporik
ᯂᯅᯰ ᯀᯔ᯲ᯇᯬᯒᯄ᯦ᯪ᯲ ᯔᯞ᯲ᯞᯪᯇᯄ᯦ᯪ᯲ ᯑᯪᯀᯉ᯲ᯖᯬ ᯒᯬᯂ ᯑᯬ ᯤ ᯀᯬᯖᯄ᯦ᯪ᯲ habang amporik mallipik dianto roha do i otik
ᯀᯔᯮ᯲ᯇᯔ ᯘᯪᯀᯉ᯲ ᯂᯖ ᯅᯬᯉ ᯀᯉᯄ᯦᯲ ᯀᯉ᯲ᯑᯞᯮ ᯀᯉ᯲ᯑᯪᯞᯬ ᯀᯉ᯲ᯑᯒᯬ᯲
ᯀᯉ᯲ᯑᯰᯮ ᯉᯪ ᯀᯉᯄ᯦᯲ ᯘᯅᯮᯞᯉ᯲ ᯑᯪ ᯑᯞᯉ᯲, ᯀᯉ᯲ᯑᯰᯮ ᯉᯪ ᯅᯬᯒᯮ ᯘᯖᯀᯉᯬ᯲ ᯑᯪ ᯑᯞᯉ᯲ andung ni anak sabulan di dalan, andung ni boru sataon di dalan
ᯀᯉᯄ᯦᯲ ᯑᯬ ᯂᯔᯖᯩᯀᯉ᯲ ᯅᯬᯒᯮ ᯑᯬ ᯂᯝᯬᯞᯮᯀᯉ᯲ anak do hamatean boru do hangoluan
ᯀᯉᯄ᯦᯲ ᯉᯪ ᯅᯪᯅᯪ ᯅᯪᯅᯪ ᯔᯮᯞᯪ ᯖᯮ ᯀᯀᯄ᯦ᯩ᯲ ᯀᯉᯄ᯦᯲ ᯉᯪ ᯔᯉᯄ᯦᯲ ᯔᯮᯞᯪ ᯖᯮ ᯞᯬᯘᯰᯮ anak ni bibi muli tu aek, anak ni manuk muli tu losung
ᯀᯉᯄ᯦᯲ ᯉᯪ ᯀᯔᯰᯉ ᯔ ᯑ ᯤ anak ni amangna ma da i
ᯀᯉ᯲ᯑᯞᯮ ᯇᯘᯪᯖᯄ᯦ᯪ᯲ ᯔᯉᯄ᯦ᯮ᯲ ᯉᯪ ᯂᯞᯄ᯦᯲ ᯘᯮᯞᯩᯀᯉ᯲ andalu pasitik manuk ni halak sulean
ᯀᯉ᯲ᯑᯞᯮ ᯇᯩ ᯘᯬᯀᯑ ᯐᯞ ᯅᯬᯉᯰ ᯘᯬᯀᯑ ᯉ ᯖᯞᯮ ᯇᯩ ᯘᯬᯀᯑ ᯐᯞ ᯉ ᯔᯬᯉᯰ ᯇᯩ ᯘᯬ ᯀᯑᯰᯬ andalu pe soada jala bonang soada, na talu pe soada jala na monang pe so adong
ᯀᯉ᯲ᯑᯞᯮ ᯇᯉ᯲ᯑᯮᯑ ᯀᯉ᯲ᯑᯮᯒᯪ ᯇᯔᯪᯀᯒᯪ. ᯀᯉᯪ᯲ᯑᯰ ᯑᯇᯖᯬ᯲ ᯖᯒ᯲ᯐᯮᯀ ᯇᯉ᯲ᯑᯄ᯦ᯬ᯲ᯄ᯦ᯉᯬ᯲ ᯉᯪ ᯘᯬᯒᯪ ᯉᯪ ᯀᯒᯪ andali panduda anduri pamiari. indang dapot tarjua pandokkon ni soro ni ari
ᯀᯉ᯲ᯑᯞᯮ ᯘᯰᯄ᯦ᯬᯖᯉ᯲ ᯉᯪ ᯅᯬᯉᯰ ᯉ ᯘ ᯑᯰᯮ ᯖᯞᯮ ᯉ ᯔᯒ᯲ᯖᯮᯀ ᯔᯬᯉᯰ andalu sangkotan ni bonang na so dung talu na martua monang
ᯀᯉᯪ᯲ᯑᯰ ᯖᯒ᯲ᯇᯬᯒᯩ ᯀᯀᯄ᯦ᯩ᯲ ᯘᯪᯀᯉ᯲ ᯀᯉ᯲ᯑᯞᯮ indang tarpore aek sian andalu
ᯀᯉ᯲ᯑᯪᯞᯬ ᯉ ᯂᯪᯉᯉ᯲ ᯂᯑᯰᯂᯑᯝᯉ᯲ ᯘᯀᯬᯉᯒᯪ. ᯘᯪᯅᯰᯬᯄ᯦ ᯉ ᯘᯤᯝᯉ᯲ ᯀᯉᯪ᯲ᯑᯰ ᯖᯒᯪᯝᯖᯬ᯲ ᯅᯩ ᯘᯀᯬᯉᯒᯪ andilo na hinan hadanghadangan saonari. Sibongka na saingan indang taringot be saonari
ᯀᯉ᯲ᯑᯒᯬ᯲ ᯒᯘ᯲ ᯔ ᯀᯉ᯲ᯑᯒᯬ᯲ ᯒᯘᯪ᯲ ᯀᯉ᯲ᯑᯒᯬ᯲ ᯉᯪ ᯘᯪᯔᯔᯬᯒ. ᯘᯤ ᯂᯬᯒᯘ᯲ ᯔ ᯂᯪᯖ ᯐᯞ ᯖᯒᯬ᯲ᯄ᯦ᯘᯪ᯲ ᯘᯤ ᯒᯇ᯲ ᯎᯅᯩ ᯐᯞ ᯔᯔᯬᯒ andor ras ma andor ris andor ni simamora. Sai horas ma hita jala torkis sai rap gabe jala mmora
ᯀᯉᯪ᯲ᯑᯰ ᯑᯬᯇᯩ ᯔᯒᯉ᯲ᯑᯒᯬ᯲ ᯉᯮᯝ ᯔᯝᯞᯪᯞᯪᯖᯪ, ᯀᯉᯪ᯲ᯑᯰ ᯑᯬᯇᯩ ᯔᯒ᯲ᯅᯮᯞᯰᯮ ᯉᯮᯝ ᯔᯝᯞᯰᯪᯎᯬᯔᯪ indang dope marandor nunga mangaliliti, indang dope marbulung nunga mangalinggomi
ᯀᯉ᯲ᯑᯒᯬ᯲ ᯂᯞᯔᯮ᯲ᯇᯰ ᯅᯂᯉᯩ᯲ ᯖᯬᯎᯮᯖᯬᯎᯮ ᯉᯪ ᯞᯔᯬ᯲ᯅᯮ ᯘᯀᯒᯮ᯲ ᯔᯖᯮᯀ ᯔ ᯂᯔᯮ ᯒᯬ ᯑᯪ ᯉ ᯇᯤᯒᯰᯪᯤᯒᯰᯪ ᯇᯂᯔᯬ᯲ᯇᯮ andor halumpang mahen togutogu ni lombu, saur matua ma hamu ro di na pairing-iring pahompu
ᯀᯔᯮ᯲ᯇᯔ ᯘᯪᯀᯉ᯲ ᯂᯖ ᯅᯬᯉ ᯉ᯲ᯑᯒᯬ᯲ ᯀᯉ᯲ᯑᯮᯂᯒᯮ᯲
ᯉᯪᯤᯑ ᯒᯮᯇ ᯉ᯲ᯑᯰ ᯖᯪᯉᯉ᯲ᯑ ᯒᯬᯂ. ᯀᯂ ᯔ ᯖᯉ᯲ᯑᯀᯉᯬ᯲ ᯑᯪᯂᯇᯮ᯲ᯂᯮᯇᯪ ᯀᯉ᯲ᯑᯒᯬ᯲ niida rupa ndang tinanda roha. aha ma tandaon dihuphupi andor
ᯖᯒᯮ᯲ᯖᯮ ᯉᯉᯪ᯲ᯉ ᯀᯉ᯲ᯑᯮᯂᯒᯮ᯲ ᯖᯪᯀᯬ ᯉᯉᯪ᯲ᯉ ᯞᯬᯖᯩ. ᯂᯖ ᯀᯰᯄ᯦ ᯉ ᯥᯞᯪ ᯘᯤ ᯥᯉᯰ ᯔᯮᯅ ᯥᯉᯰ ᯔᯬᯘᯩ turtu ninna anduhur tio ninna lote. hata na uli sai unang muba unang mose
ᯀᯉ᯲ᯑᯮᯂᯒᯮ᯲ ᯑᯰᯄ᯦ ᯑᯮᯇᯰ ᯘᯬᯞᯖᯬ᯲ ᯑᯪ ᯑᯰᯄ᯦ᯑᯰᯄ᯦ ᯘᯤ ᯎᯅᯩ ᯔ ᯂᯔᯪ ᯂᯬᯒᯘ᯲ ᯀᯔᯉ᯲ᯖ ᯒᯐ anduhur dangka dupang solot di dangkadangka, sai gabe ma hami horas amanta raja
ᯀᯉ᯲ᯑᯮᯂᯒᯮ᯲ ᯔᯒ᯲ᯖᯮᯖᯮ ᯑᯪ ᯀᯖᯘ᯲ ᯉᯪ ᯇᯒᯮ᯲ᯅᯖᯮᯀ ᯂᯬᯒᯘ᯲ᯂᯬᯒᯘ᯲ ᯔ ᯇᯒ᯲ᯑᯞᯉ᯲ᯑᯞᯉ᯲ ᯘᯬᯝᯉᯬ᯲ ᯤ ᯔ ᯀᯰᯄ᯦ ᯉ ᯑᯪ ᯂᯮᯖ anduhur martutudi atas ni purbatua horashoras ma pardalandalan songon i ma abgka na di huta
ᯂᯅᯰ ᯀᯉ᯲ᯑᯮᯂᯒᯮ᯲ ᯘᯰᯬᯎᯇᯬ᯲ ᯖᯮ ᯇᯒᯮ᯲ᯅ ᯂᯬᯞᯰᯪ ᯀᯰᯎᯬ ᯘᯪᯖᯰᯄ᯦ᯬ ᯥᯎᯘᯉ᯲ ᯤ ᯥᯉᯰ ᯑᯪᯀᯩᯀᯄ᯦᯲ ᯅᯩ ᯖᯬᯝ ᯅᯒᯬ᯲ᯝᯉᯪ᯲ habang anduhur songgop tu purba holing. anggo sitangko ugasan i unang dieak be tonga borngin
ᯀᯉ᯲ᯑᯮᯂᯒᯮ᯲ ᯑᯬ ᯞᯔᯪ᯲ᯇᯉ᯲ᯉ ᯔᯒ᯲ᯘᯀᯒᯬ᯲ ᯀᯔ᯲ᯇᯬᯒᯄ᯦ᯪ᯲. ᯉ ᯅᯒᯮ᯲ᯐᯮ ᯑᯬ ᯒᯬᯂᯉ ᯇᯒ᯲ᯒᯬᯂ ᯘᯪᯀᯬᯖᯄ᯦ᯪ᯲ᯀᯬᯖᯄ᯦ᯪ᯲ anduhur do lompanna marsaor amporik, na burju do rohana parroha siotikotik
ᯂᯅᯰ ᯀᯉ᯲ᯑᯮᯂᯒᯮ᯲ ᯘᯰᯬᯎᯇᯬ᯲ ᯖᯮ ᯀᯉ᯲ᯑᯒᯬ᯲ ᯂᯬᯞᯰᯪ. ᯖᯒᯪᯑ ᯘᯪᯅᯮᯉᯪᯀᯉ᯲ ᯔᯬᯞᯬ ᯒᯬ ᯅᯉᯬ᯲ᯖᯩᯀᯉ᯲ ᯅᯬᯑᯞᯪ᯲ habang anduhur songgop tu andor holing. tarida sibunian molo ro bontean bodil
ᯀᯔᯮ᯲ᯇᯔ ᯘᯪᯀ ᯲ ᯅᯬᯉ ᯀᯉ᯲ᯑᯰᯮ ᯀᯰᯎᯞᯪ᯲ ᯀᯰᯄ᯦ᯖ᯲ ᯀᯰᯄ᯦ᯇᯮ᯲ ᯀᯉᯪᯀᯉ᯲ ᯀᯉ᯲ᯘᯪᯔᯉᯮ᯲
ᯀᯉ᯲ᯑᯰᯮ ᯉᯪ ᯀᯉᯄ᯦᯲ ᯘᯅᯮᯞᯉ᯲ ᯑᯪ ᯑᯞᯉ᯲ ᯀᯉ᯲ᯑᯰᯮ ᯉᯪ ᯅᯬᯒᯮ ᯘᯖᯀᯉᯬ᯲ ᯑᯪ ᯑᯞᯉ᯲ andung ni anak sabulan di dalan, andung ni boru sataon di dalan
ᯇᯝᯉ᯲ᯑᯰᯮ ᯉᯪ ᯅᯮᯖᯒ᯲ ᯔᯝᯉ᯲ᯑᯰᯮ ᯔᯉᯩᯀᯖᯪ pangandung ni butar mangandung maneati
ᯀᯰᯎᯞᯪ᯲ ᯑᯬ ᯖᯎᯄ᯦ᯮ᯲ ᯖᯔᯬ᯲ᯅᯮᯒᯉᯬ᯲ ᯑᯮᯒᯰᯮ. ᯀᯰᯎᯪ ᯑᯬ ᯂᯂ ᯔᯬᯞᯬ ᯑᯪᯅᯬᯀᯉ᯲ᯂᯉᯬ᯲ ᯇᯒᯉᯮ᯲ᯖᯮᯝᯉ᯲ anggil do taguk tomburon durung. anggi do haha molo diboanhon paruntungan
ᯔᯝᯰᯄ᯦ᯖ᯲ ᯔ ᯇᯑᯪᯑᯖᯪ᯲ ᯔᯝᯉᯪ᯲ᯘᯒᯪ᯲ ᯖᯮ ᯀᯉ᯲ᯑᯒᯬ᯲ᯀᯉ᯲ᯑᯒᯬ᯲. ᯘᯬ ᯀᯑᯰᯬ ᯉ ᯖᯒ᯲ᯇᯘᯪᯑᯰᯪ ᯔᯬᯞᯬ ᯒᯬ ᯉᯪᯇᯪ ᯉ ᯘᯔ᯲ᯅᯒᯬ᯲ mangangkat ma padidit manginsir tu andor-andor. So adong na tarpasiding molo ro nipi na sambor
ᯘᯪᯀᯰᯄ᯦ᯇᯮ᯲ᯉ ᯘᯬᯝᯉᯬ ᯂᯉᯮ᯲ᯑᯞᯮ᯲ ᯘᯪᯑᯬᯝᯉ᯲ᯉ ᯘᯬᯝᯉᯬ᯲ ᯉ ᯔᯒ᯲ᯑᯞᯉ᯲. ᯀᯤ ᯔᯒᯰᯄ᯦ᯇᯮ᯲ ᯑᯬ ᯘᯬᯝᯉᯬ᯲ ᯉ ᯥᯞᯪ ᯔᯒ᯲ᯑᯬᯝᯉ᯲ ᯉ ᯑᯰᯩᯎᯉ᯲ siangkupna songon hundul sidonganna songon na mardalan ai marangkup do songon na uli mardongan na denggan
ᯇᯩᯀᯄ᯦᯲ ᯘᯬᯝᯉᯬ᯲ ᯀᯉᯪᯀᯉ᯲ ᯎᯉ᯲ᯐᯰ ᯘᯬᯝᯉᯬ᯲ ᯖᯉ᯲ᯑᯬᯘᯉ᯲. ᯥᯉᯰ ᯖᯔᯬ᯲ᯇᯮᯖᯔᯬ᯲ᯇᯮ ᯔᯘᯪᯎᯉᯀᯉ᯲ ᯝᯒᯩ᯲ᯝᯒᯩ᯲ ᯔᯘᯪᯤᯝᯬᯖᯉ᯲ peak songon anian ganjang songon tandosan. unang tomputompumasiganaan ngernger masiingotan
ᯎᯬᯑᯰᯎᯬᯑᯰ ᯀᯉ᯲ᯘᯪᯔᯉᯮ᯲ godanggodang ansimun
ᯔᯝᯔᯪ᯲ᯅᯒᯮ᯲ ᯘᯬᯝᯉᯬ᯲ ᯀᯉ᯲ᯘᯪᯔᯉᯮ᯲ ᯔᯅᯞ᯲ᯎ ᯘᯬᯝᯉᯬ᯲ ᯎᯉᯮ᯲ᯑᯒᯮ᯲ mambur songon ansimun mabalga songon gundur
ᯀᯉ᯲ᯘᯪᯔᯉᯮ᯲ ᯉ ᯔᯒ᯲ᯖᯎᯉ᯲ ᯎᯞᯎ ᯔᯒ᯲ᯄ᯦ᯂᯔᯬ᯲ᯅᯮ. ᯂᯉ᯲ᯘᯖᯪ᯲ ᯉ ᯂᯬᯉ ᯖᯝᯉ᯲ ᯂᯉ᯲ᯘᯪᯖᯉ᯲ ᯉ ᯂᯬᯉ ᯇᯬᯑᯮ ansimun na martagan galaga markahombu. hansit na hona tangan hansitan na hona poda
ᯀᯉ᯲ᯘᯪᯔᯉᯮ᯲ ᯉ ᯔᯒ᯲ᯖᯎᯉ᯲ ᯀᯔᯬ᯲ᯇᯮ ᯉᯪ ᯔᯉ᯲ᯑᯮᯞᯬ. ᯘᯬ ᯂᯬ ᯑᯬᯝᯉ᯲ ᯔᯒ᯲ᯇᯑᯉ᯲ ᯘᯤ ᯂᯬ ᯑᯮᯞᯬᯑᯮᯞᯬ ansimun na martagan ompu ni mandulo. so ho dongan marpadan sai ho dulodulo
ᯀᯉ᯲ᯘᯪᯔᯉ᯲ ᯘᯑ ᯂᯞᯬ᯲ᯅᯰᯮ ᯇᯩᯎᯩ ᯘᯰᯄ᯦ᯒᯔᯪ᯲ᯇᯰ. ᯔᯉᯔᯪ᯲ᯅᯰᯮ ᯒᯇ᯲ ᯖᯮ ᯖᯬᯒᯮ ᯔᯝᯰᯄ᯦ᯖ᯲ ᯒᯇ᯲ ᯖᯮ ᯎᯉᯪ᯲ᯐᯰ ansimun sd holbung pege sangkarimpang. manimbung rap tu toru mangangkat rap tu ginjang
ᯀᯔᯮ᯲ᯇᯔ ᯘᯪᯀᯉ᯲ ᯂᯖ ᯅᯬᯉ ᯀᯉ᯲ᯘᯬᯘᯬᯀᯖᯪ᯲ ᯀᯉ᯲ᯘᯮᯀᯉ᯲ ᯀᯉ᯲ᯖᯐᯥ ᯀᯉ᯲ᯖᯞ᯲ᯔ ᯉ᯲ᯖᯄ᯦ᯮ᯲ ᯀᯇᯪ ᯀᯇᯘᯮ᯲
ᯔᯑᯄ᯦ᯩ᯲ᯑᯄ᯦ᯩ᯲ ᯀᯉ᯲ᯘᯬᯘᯬᯀᯖᯪ᯲ ᯖᯬᯝᯉᯬ᯲ ᯖᯮ ᯖᯬᯒᯔᯮ᯲ᯅᯒ. ᯥᯉᯰ ᯑᯄ᯦ᯬ᯲ ᯂᯔᯮ ᯂᯔᯪ ᯇᯒ᯲ᯂᯬᯞᯖᯪ᯲ ᯘᯪᯞᯩᯂᯬᯉᯉᯬ᯲ ᯑᯬ ᯉ ᯘᯬ ᯀᯑ madekdek ansosoit tongon tu torumbara. Unang dok hamu hami parholit silehonon do na so ada
ᯀᯉ᯲ᯘᯮᯀᯉ᯲ ᯘᯪᯘᯑᯘᯑ ᯇᯩᯎᯩ ᯑᯪ ᯇᯮᯝᯮᯀᯉ᯲. ᯘᯪ ᯘᯔᯮᯑᯒ᯲ ᯘᯪ ᯘᯔᯒ᯲ᯎ ᯖᯰᯬᯄ᯦ ᯔᯒ᯲ᯘᯪᯅᯮᯀᯖᯉ᯲ ansuan sisadasada pege di punguan. si samudar si samarga tongka masibuatan
ᯥᯉᯰ ᯘᯪᯉᯮᯀᯉ᯲ ᯀᯉ᯲ᯘᯮᯀᯉ᯲ ᯑᯪ ᯎᯉᯪ᯲ᯐᯰ ᯉᯪ ᯥᯞᯮᯉᯪᯅ unang sinuan ansuan di ginjang ni ukuniba
ᯀᯉ᯲ᯖᯐᯥ ᯂᯞᯮᯑᯪ ᯖᯮ ᯇᯪᯉᯰᯪ ᯉ ᯔᯰᯬᯄ᯦ᯞᯬ᯲ ᯔᯖ. ᯘᯂᯞᯄ᯦᯲ ᯇᯩ ᯔᯉ᯲ᯑᯄ᯦ᯬ᯲ ᯉ ᯥᯞᯪ ᯞᯮᯂᯖᯮ᯲ ᯔ ᯂᯪᯖ ᯉᯔ᯲ᯇᯮᯉᯘ antajau haludi tu pining na mongkol mt. sahalak pe mandok na uli luhut ma hita nampunasa
ᯀᯉ᯲ᯖᯞ᯲ᯔᯩ ᯤᯑᯀᯉᯬ᯲ antalme idaon
ᯥᯉᯰ ᯔᯝᯉ᯲ᯖᯄ᯦ᯮ᯲ ᯑᯪ ᯖᯬᯝ ᯀᯒᯪ ᯔᯝᯒᯉᯪ᯲ᯖᯄ᯦᯲ ᯑᯪ ᯖᯬᯝ ᯅᯒᯬ᯲ᯝᯉᯪ᯲ unang mangantuk di tonga ari mangarintak di tonga borngin
ᯘᯪᯀᯉ᯲ ᯀᯀᯄ᯦ᯩ᯲ ᯂᯒᯬᯒᯬ ᯉᯪ ᯀᯇᯪ sian aek haroro ni api
ᯖᯪᯉᯮᯖᯰᯮ ᯖᯮ ᯀᯇᯪ ᯇᯪᯉᯖᯮᯅ ᯘᯬᯝᯉᯬ᯲ ᯘᯬᯅᯉ᯲ ᯉᯀᯰᯮ ᯖᯪᯉᯇᯮ᯲ᯖᯇᯮ᯲ ᯉᯪ ᯖᯂᯪ ᯥᯉᯰ ᯅᯩ ᯔᯘᯪᯘᯞᯬ᯲ᯘᯬᯞᯉ᯲ tinutung tu api pinatuba songon soban naung tinuptup ni tahi unang be masisolsolan
ᯎᯒᯬ᯲ᯎᯒᯬ᯲ ᯔ ᯀᯇᯪ ᯎᯒᯬ᯲ᯎᯒᯬ᯲ ᯔ ᯤ ᯔᯉ᯲ᯖᯖ᯲ ᯎᯒᯉ ᯉᯮᯝ ᯔᯒ᯲ᯇᯮᯝᯮ ᯂᯪᯖ ᯑᯪᯘᯉᯬ᯲ ᯀᯂ ᯔ ᯉ ᯖᯇᯂᯖ gorgor ma api gorgor ma i mantat garana, nunga marpungu hita dison aha ma na tapahata
ᯇᯒ᯲ᯅᯑᯉ᯲ ᯉ ᯔᯒᯇᯪᯑᯪᯀᯖᯮ᯲ parbadan na marpidiut
ᯘᯤ ᯞᯮᯔᯘ᯲ ᯑᯬ ᯂᯞᯄ᯦᯲ ᯉ ᯐᯮᯔᯬᯉᯄ᯦ᯬ᯲ ᯖᯮ ᯀᯇᯪ sai lumas do halak na jumonok tu api
ᯘᯤ ᯀᯇᯘᯮ᯲ᯀᯇᯘᯮ᯲ ᯔ ᯘᯬᯝᯉᯬ᯲ ᯖᯝᯉ᯲ ᯉ ᯅᯪᯉᯮᯒᯪᯀᯉ᯲ sai apusapus ma songon tangan na binurian
ᯀᯔᯮ᯲ᯇᯔ ᯘᯪᯀᯉ᯲ ᯂᯖ ᯅᯬᯉ ᯀᯒᯰ ᯀᯒᯪ ᯀᯒᯪᯒᯰ ᯀᯒᯖᯪ᯲ ᯀᯒ᯲ᯘᯄ᯦ᯪ᯲ ᯀᯒᯖᯮ᯲ ᯀᯘ᯲ᯒᯪ ᯀᯘᯔᯬ᯲ ᯀᯘᯮ ᯀᯖᯩᯀᯩ ᯀᯥᯎ
ᯘᯮᯑ ᯀᯒᯰ ᯀᯉᯪ᯲ᯑᯰ ᯂᯔᯪ᯲ᯇᯞ᯲ ᯅᯬᯘᯪ suda arang indang himpal bosi
ᯔᯘᯪᯅᯬᯀᯉ᯲ ᯇᯒᯬ᯲ᯑᯉ ᯖᯮ ᯞᯰᯎᯪ ᯉᯪ ᯘᯘᯅᯪ ᯔᯘᯪᯅᯬᯀᯉ᯲ ᯒᯬᯂᯉ ᯖᯮ ᯘᯪᯞᯮᯅᯞᯰ ᯀᯒᯪ masiboan pordana tu langgi ni sasabi masiboan rohana tu si ulubalang ari
ᯞᯘ᯲ ᯀᯒᯪ ᯘᯬᯀᯑ ᯐᯬᯔᯒᯮ᯲ᯐᯬᯔᯮᯒᯉᯬ᯲ ᯅᯖᯬ᯲ ᯀᯒᯪ ᯘᯬᯀᯑ ᯞᯔᯬ᯲ᯇᯞᯔᯬ᯲ᯇᯀᯉᯬ᯲ las ari soada jomurjomuron, bot ari soada lompalompaon
ᯑᯪᯘᯪ ᯀᯒᯪ ᯞᯘ᯲ ᯑᯪᯘᯪ ᯑᯬ ᯇᯉ᯲ᯐᯬᯔᯮᯒᯉ᯲ ᯑᯪᯘᯪ ᯀᯒᯪ ᯥᯑᯉ᯲ ᯑᯪᯘᯪ ᯑᯬ ᯇᯉᯞᯩᯀᯉ᯲ disi ari las disi do panjomuran, disi ari udan disi do panalean
ᯘᯪᯑᯰᯄ᯦ ᯉᯪ ᯀᯒᯪᯒᯰ ᯉ ᯘᯬ ᯖᯮᯇ ᯘᯪᯒᯰ ᯘᯞᯩᯞᯰᯩ ᯂᯬᯘ ᯑᯪᯎᯔᯬ᯲ᯎᯔᯬ᯲ ᯅᯑᯉ᯲ sidangka ni arirang na so tupa sirang saleleng hosa digomgom badan
ᯉᯪᯀᯒᯖᯪ᯲ ᯂᯬᯖᯰ ᯅᯂᯉᯩ᯲ ᯅᯪᯅᯒᯪ᯲ ᯉᯪ ᯂᯪᯒᯰ ᯀᯉᯪ᯲ᯑᯰ ᯀᯑᯰᯬ ᯖᯮᯔᯅᯬ ᯘᯪᯀᯉ᯲ ᯉ ᯔᯒ᯲ᯇᯒᯪᯅᯉ᯲ niarit hotang bahen bibir ni hirang, indang adong tumabo sian na marpariban
ᯉᯪᯀᯒᯖᯪ᯲ ᯖᯒᯮᯎᯪ ᯇᯬᯒᯇᯬᯒ ᯔᯬᯞᯬ ᯖᯪᯉᯩᯀᯉ᯲ ᯥᯞᯪ ᯖᯩᯀᯉᯉᯬ᯲ ᯔ ᯑᯬᯂᯖᯬ᯲ ᯎᯬᯒ niarit tarugi porapora molo tinean uli teanon ma dohot gora
ᯑᯪᯀᯒ᯲ᯘᯄ᯦᯲ ᯉ ᯔᯖᯩ ᯑᯪᯀᯒ᯲ᯘᯄ᯦᯲ ᯉ ᯔᯝᯬᯞᯮ diarsak na mate diarsak na mangolu
ᯇᯒ᯲ᯖᯞᯪᯖᯞᯪ ᯂᯀᯉᯩ᯲ ᯉᯪᯀᯒᯖᯮ᯲ᯉ partalitali haen niarutna
ᯇᯮᯞᯄ᯦ᯪ᯲ ᯀᯘᯒ᯲ ᯉᯪ ᯞᯞᯪ ᯇᯮᯞᯄ᯦ᯪ᯲ ᯀᯘᯒ᯲ ᯞᯩᯀᯰᯞᯩᯀᯰ ᯇᯮᯞᯄ᯦ᯪ᯲ ᯉ ᯘᯪᯉᯞᯪ ᯇᯮᯞᯄ᯦ᯪ᯲ ᯉ ᯉᯪᯞᯩᯂᯉᯬ᯲ pulik asar ni lali pulik asar leangleang, pulik na sinali pulik na nilehon
ᯘᯬᯝᯉᯬ᯲ ᯉ ᯔᯪᯑ ᯀᯘᯔᯬ᯲ songon na mida asom
ᯑᯪᯀᯬᯒᯰᯬ ᯀᯘᯮ ᯉ ᯘᯬ ᯀᯔᯬ᯲ᯇᯮᯉ ᯇᯉᯪᯘᯩᯀᯉᯬ᯲ ᯉ ᯘᯬ ᯇᯑᯉ᯲ᯉ diorong asu na so ompuna paniseon na so padanna
ᯉ ᯘᯬᯞᯖᯬ᯲ ᯑᯪ ᯀᯖᯩᯀᯖᯩ ᯉ ᯎᯔᯬ᯲ᯇᯰ ᯑᯪ ᯇᯮᯘᯮᯇᯮᯘᯮ na solot di ateate na gompang di pusupusu
ᯇᯰᯄ᯦ᯮᯞᯰᯪ ᯖᯘᯬ᯲ ᯉᯪ ᯀᯖᯩ ᯇᯇᯝᯉ᯲ ᯂᯘᯪᯘᯪᯒᯰ pangkuling tos ni ate papangan hasisirang
ᯔᯖᯩ᯲ᯔᯖᯩ᯲ ᯇᯩ ᯀᯖᯩᯀᯖᯩ ᯉᯪ ᯒᯬᯝᯖᯪ᯲ ᯀᯔᯮ᯲ᯔᯖᯩ᯲ᯔᯖᯩ᯲ ᯑᯬᯇᯩ ᯀᯖᯩᯀᯖᯰᯩᯄ᯦ᯮ metmet pe ateate ni rongit ummetmet dope ateatengku
ᯀᯉᯪ᯲ᯑᯰ ᯖᯒᯮᯞᯂᯉᯬ᯲ ᯘᯑ ᯂᯞᯄ᯦᯲ ᯑᯮᯀ ᯀᯥᯎ ᯂᯒᯬ᯲ᯅᯬ ᯑᯪ ᯅᯎᯘᯉ᯲ ᯘᯉ᯲ᯘᯬᯎᯖᯬ᯲ indang tarulahon sada halak dua auga horbo di bagasan sansogot
ᯔᯬᯞᯬ ᯂᯔᯬ᯲ᯅᯒ᯲ ᯖᯮ ᯀᯥᯎ ᯂᯔᯬ᯲ᯅᯒ᯲ ᯔ ᯖᯮ ᯎᯎᯖᯉ᯲ molo hombar tu auga hombar ma tu gagatan